Għandek bżonn parir dwar kif tuża t-teknoloġiji diġitali b’mod kritiku u responsabbli kif ukoll gwida dwar kif għandhom jiġu vvalutati l-kompetenzi tal-istudenti fil-qasam tal-litteriżmu diġitali?

Dawn il-linji gwida jipprovdu gwida prattika għall-għalliema u l-edukaturi, inklużi pariri prattiċi, pjanijiet ta’ attività, għarfien dwar suġġetti u noti kawtelatorji bbażati fuq dak li jaħdem fir-rigward tal-litteriżmu diġitali u l-edukazzjoni u t-taħriġ. Dawn għandhom l-għan li jrawmu fehim ta’ kif il-litteriżmu diġitali jista’ jinkiseb u jipprovdu għarfien utli dwar id-dinamika u l-manifestazzjonijiet tad-diżinformazzjoni.

Il-linji gwida huma maħsubin għall-għalliema/edukaturi tal-iskejjel primarji u sekondarji f’suġġetti differenti u b’livelli differenti ta’ esperjenza u għarfien f’dan il-qasam. Bl-istess mod, l-inklużjoni ta’ staff ieħor tal-iskola bħal psikologi soċjali/ħaddiema soċjali/librara kif ukoll l-appoġġ tal-ġenituri, il-professjonisti tal-media, is-soċjetà ċivili u l-komunità akbar se jkompli jarrikkixxi l-esperjenza tat-tagħlim tal-istudenti.

Iddawnlowdja l-linji gwida (PDF - 4.6 MB)

Ara l-video