Għeżież żgħażagħ Ewropej!
Qatt smajtu bil-Premju Karlu Manju għaż-Żgħażagħ? Dan il-premju, li jagħtih il-Parlament Ewropew, joffri rikonoxximent liż-żgħażagħ ta’ bejn is-16 u t-30 sena b’ideat innovattivi għal Ewropa aħjar. Tixtieq torganizza festival kulturali, tagħmel kampanja online, toħloq proġett ta’ skambju skolastiku, jew tiżviluppa app għall-promozzjoni tal-volontarjat? L-ideat kollha merħba bihom!
Il-premju jista’ joffrilek viżibbiltà u għajnuna konkreta għall-proġett tiegħek:
- sa €7,500 għal min jiġi fl-ewwel post;
- stediniet għaċ-ċerimonja tal-għoti tal-premjijiet f’Aachen (il-Ġermanja);
- ir-rappreżentanti tal-proġetti rebbiħin jistgħu jiġu mistednin biex jippreżentaw l-inizjattiva tagħhom fil-Parlament Ewropew u jaċċessaw opportunitajiet bħat-traineeships Schuman.
Kif tipparteċipa?
Biex tidħol fil-kompetizzjoni, kulma trid tagħmel hu li ssegwi l-istruzzjonijiet li ssib fil-website uffiċjali tal-Parlament Ewropew ddedikata għall-Premju Karlu Manju 👈.
Tibżax tkun oriġinali u tippreżenta idea li għandek għal qalbek! Titlifx din l-opportunità unika biex tħalli l-marka tiegħek fil-livell Ewropew!
Ir-reġistrazzjoni issa miftuħa. Għandek sat-2 ta’ Frar biex tapplika!
Dettalji
- Data tal-pubblikazzjoni
- 21 Jannar 2026
- Awtur
- Id-Direttorat Ġenerali għall-Komunikazzjoni
- Type of content
- Competition
Links relatati
Fl-1 ta’ Jannar 2026, il-Bulgarija adottat l-ewro u saret il-21 membru taż-żona tal-ewro.
Mill-1 ta’ Jannar sat-30 ta’ Ġunju 2026, Ċipru se jkollu l-Presidenza tal-Kunsill tal-Unjoni Ewropea, rwol ewlieni li jinbidel kull 6 xhur bejn il-pajjiżi tal-UE.
F’Settembru li għadda, il-Kummissjoni Ewropea sejħet lit-tfal u lill-adolexxenti biex jimlew stħarriġ online dwar il-bullying ċibernetiku. Aktar minn 6,300 tifel u tifla ta’ bejn it-12 u s-17-il sena mill-UE kollha qasmu l-fehmiet tagħhom.
Idħol biċ-ċans li żżur il-Parlament Ewropew flimkien mal-klassi tiegħek. Il-premju jinkludi wkoll programm imfassal apposta u akkomodazzjoni għal lejl wieħed.
Mit-18 sal-24 ta’ Novembru, niċċelebraw il-Ġimgħa Dinjija ta’ sensibilizzazzjoni dwar ir-reżistenza għall-antimikrobiċi – inizjattiva globali biex tiġi indirizzata t-theddida li dejjem qed tikber tar-reżistenza għall-antibijotiċi u għal mediċini antimikrobiċi oħra. Din il-kwistjoni tista’ taffettwa lil kulħadd u kullimkien, b’konsegwenzi serji għas-saħħa u s-soċjetà.
Is-soċjetà teħtieġ ċittadini attivi li jkunu kapaċi jsawru d-dinja li jixtiequ jgħixu fiha. Madankollu, jista’ jkun diffiċli li tħajjar it-tfal u ż-żgħażagħ biex jinteraġixxu mal-politika u l-valuri Ewropej. L-azzjonijiet Jean Monnet tal-Erasmus+ huma maħsuba b’mod speċifiku biex l-għalliema u l-iskejjel irawmu l-ġenerazzjoni li jmiss ta’ ċittadini attivi, infurmati u midħla tal-UE.