Skambji u boroż ta’ studju
Jekk trid tistudja, titħarreġ jew tipparteċipa fi skambju ta’ żgħażagħ f’wieħed mit-33 pajjiż fl-Ewropa kollha u lil hinn, il-programm Erasmus+ se jippermettilek dan. Il-programm hu miftuħ kemm għat-teenagers kif ukoll għall-adulti mill-UE u minn pajjiżi mhux tal-UE, sew jekk huma studenti, għalliema jew ħaddiema oħra. Iċċekkja l-firxa ta’ għażliet!
Volontarjat
![solidarity-corps.jpg](https://learning-corner.learning.europa.eu/sites/default/files/styles/oe_theme_medium_no_crop/public/2021-12/solidarity-corps.jpg?itok=LyrzgetO)
Għandek 18-il sena, lest għal sfida u ħerqan li tgħin lil persuni oħra fl-Ewropa? Allura il-Korp Ewropew ta’ Solidarjetà jista’ jkun dak li qed tfittex. Ara l-video “Vjaġġ prattiku permezz tal-Korp Ewropew ta’ Solidarjetà” biex tkun taf x’għandek tagħmel.
Iċċekkja l-bosta opportunitajiet oħra għall-volontarjat fl-Ewropa u fid-dinja kollha.
Kif issib impjieg
Iż-żgħażagħ Ewropej jistgħu jmorru fis-sit web tal-EURES biex isibu impjieg, traineeship jew apprendistat f’pajjiż ieħor tal-UE, l-Iżvizzera, l-Iżlanda, il-Liechtenstein u n-Norveġja.
Qabel tapplika, tinsiex tikkonsulta l-Europass, li joffri kompilatur tas-CV faċli għall-utent u għodod diġitali oħra biex tikkomunika l-ħiliet tiegħek mal-UE kollha u timmaniġġja l-karriera tiegħek.
Aktar opportunitajiet
![Symbolic - Mobile phone](/sites/default/files/styles/oe_theme_ratio_3_2_medium/avportal/P-051516/00-01.jpg?itok=mCRjOcEd)
Il-Portal Ewropew taż-Żgħażagħ jgħinek tiskopri aktar dwar kif l-Ewropa u pajjiżek jappoġġjaw liż-żgħażagħ.
![Young people with the European flag](/sites/default/files/styles/oe_theme_ratio_3_2_medium/avportal/P-051520/00-02.jpg?itok=6POgedFW)
Bosta istituzzjonijiet u korpi tal-UE b’mod regolari joffru liż-żgħażagħ iċ-ċans li jiksbu esperjenza imprezzabbli fil-qalba tal-Ewropa. Ara jekk intix eleġibbli għas-sejħa li jmiss!
![The EU buildings lit with the rainbow flag colours to mark IDAHOT 2021](/sites/default/files/styles/oe_theme_ratio_3_2_medium/avportal/P-051132/00-01.jpg?itok=Ffbo4owd)
Qatt xtaqt tara l-UE minn ġewwa? Skopri hawn kif l-iskola tiegħek tista’ torganizza mawra f’waħda mill-istituzzjonijiet tal-UE.