Il-Pjattaforma Ewropea għall-Edukazzjoni fl-Iskejjel hija l-punt fejn jiltaqgħu l-partijiet ikkonċernati kollha fis-settur tal-edukazzjoni fl-iskejjel – l-istaff tal-iskejjel, ir-riċerkaturi, dawk li jfasslu l-politika u professjonisti oħrajn – li jkopri kull livell mill-edukazzjoni u l-kura bikrija tat-tfal sal-iskola primarja u sekondarja, inklużi l-edukazzjoni u t-taħriġ vokazzjonali.
Il-pjattaforma tospita wkoll l-eTwinning, il-komunità għall-iskejjel fl-Ewropa.
Jekk qed iżżur Brussell, agħmel l-aħjar użu mill-vjaġġ tiegħek u żur Experience Europe, li tinsab fil-qalba tal-Kwartier Ewropew ta’ Brussell. Esplora din il-wirja u tgħallem aktar dwar kif taħdem l-Unjoni Ewropea u x’tagħmel għaċ-ċittadini tagħha. Tixtieq iżżewwaq iż-żjara tiegħek biex toħloq esperjenza sħiħa ta’ tagħlim ta’ 90 minuti? Ibbukkja attività interattiva!
Walk-in għal individwi, familji, u gruppi ta’ inqas minn 10 persuni
Qed iżżur fi grupp? Gruppi ta’ 10 persuni jew aktar huma ġentilment mitluba jirreġistraw minn qabel biex jiżguraw l-aħjar esperjenza tal-viżitaturi.
Attività Ej nitkellmu dwar l-Ewropa għal gruppi ta’ żgħażagħ mill-età ta’ 15-il sena, b’massimu ta’ 25 parteċipant.
Skopri aktar dwar il-wirja interattiva u l-attività hawn taħt
Wirja interattiva
Jekk qed iżżur Brussell, agħmel l-aħjar użu mill-vjaġġ tiegħek u żur Experience Europe, li tinsab fil-qalba tal-Kwartier Ewropew ta’ Brussell.
Esplora din il-wirja u tgħallem aktar dwar kif taħdem l-Unjoni Ewropea u x’tagħmel għaċ-ċittadini tagħha. Esplora kif taħdem il-Kummissjoni Ewropea, skopri l-proġetti tal-UE u ltaqa’ “virtwalment” mal-President tal-Kummissjoni. Issib ukoll logħob u attivitajiet divertenti għall-etajiet kollha.
Tkun miftuħa sebat ijiem fil-ġimgħa u l-biċċa l-kbira tal-kontenut huwa disponibbli bl-24 lingwa uffiċjali tal-UE.
Sempliċiment ejja, imxi u gawdi l-wirja.
Sir af aktar
Attività interattiva
Tixtieq iżżewwaq iż-żjara tiegħek biex toħloq esperjenza sħiħa ta’ tagħlim ta’ 90 minuti? Ibbukkja attività interattiva!
Gruppi ta’ żgħażagħ — bħal klassijiet tal-iskola — jistgħu wkoll jieħdu sehem f’“Ej nitkellmu dwar l-Ewropa”, attività ta’ 45 minuta li tinvolvi dibattitu dinamiku f’sessjoni ta' ħidma, immirata għall-istudenti minn 15-il sena ‘l fuq. Is-sessjoni ta’ ħidma tippromwovi l-ħsieb kritiku, it-tagħlim bejn il-pari u l-involviment ċiviku mal-parteċipanti li jiddiskutu l-prijoritajiet attwali tal-UE kif ukoll jiksbu għarfien dwar il-ħidma ta’ kuljum tal-Kummissjoni Ewropea biex jiġi żviluppat fehim aktar profond tal-proċessi tat-teħid tad-deċiżjonijiet tal-UE.
L-attività “Ej nitkellmu dwar l-Ewropa” tinstab bil-Ġermaniż, bl-Ingliż, bil-Franċiż, bl-Olandiż, bl-Ispanjol, bit-Taljan u bil-Pollakk.
Sir af aktar
Skont l-istimi, kważi nofs ir-refuġjati mill-Ukrajna huma tfal tal-età tal-iskola. Ir-ritorn tagħhom lejn l-iskola se jgħin biex itaffi l-istress psikoloġiku tagħhom, jagħtihom sens ta’ stabbiltà u normalità u perspettiva għall-futur.
F’dawn iż-żminijiet ta’ sfida, hawnhekk issib serje ta’ artikli u riżorsi biex jappoġġjaw l-integrazzjoni tar-refuġjati żgħażagħ Ukreni fis-sistemi edukattivi tal-Istati Membri tal-UE u tal-pajjiżi tal-Erasmus+.
Linji gwida
Ispira ruħek minn xi wħud mill-modi differenti ħafna li bihom l-iskejjel illum jinfurmaw liż-żgħażagħ dwar id-dimensjoni Ewropea fil-ħajja tagħhom ta’ kuljum.
Il-linji gwida jiġbru flimkien il-pedagoġija u l-prattika f’format wieħed faċli biex jintuża. Dawn jgħinu biex wieħed jifhem kif jista' jinkiseb il-litteriżmu diġitali u jipprovdu għarfien utli dwar id-dinamika u l-manifestazzjonijiet tad-diżinformazzjoni.
Il-linji gwida ġew imfassla biex jgħinu lill-edukaturi jifhmu l-potenzjal li għandhom l-applikazzjonijiet tal-IA u l-użu tad-data fl-edukazzjoni u biex iqajmu kuxjenza dwar ir-riskji possibbli.
It-tagħlim ta’ suġġetti speċifiċi
Qed tfittex ideat mingħand il-pari tiegħek dwar kif wieħed jista’ jgħallem suġġett speċifiku?
Agħti daqqa t’għajn lill-għażla tagħna ta’ links utli:
FoodEducators huwa ċentru multilingwi ta’ riżorsi li jipprovdi lill-għalliema b’attivitajiet divertenti biex jinvolvu lit-tfal tal-iskola f’suġġetti bħall-ikel, is-saħħa, is-sostenibbiltà u l-karrieri fl-industrija agroalimentari. Joffri wkoll komunità għall-għalliema u l-iskejjel interessati fl-edukazzjoni dwar l-ikel.
Scientix hija l-komunità għall-edukazzjoni xjentifika fl-Ewropa. Għandha l-għan li tippromwovi u tappoġġja kollaborazzjoni mal-Ewropa kollha fost l-għalliema, ir-riċerkaturi, dawk li jfasslu l-politika biex tispira lill-istudenti jsegwu karrieri fil-qasam tax-Xjenza, it-Teknoloġija, l-Inġinerija u l-Matematika (STEM). (Sit web multilingwi)
Inizjattivi u attivitajiet li intiżi biex jinvolvu liż-żgħażagħ u jżidu l-interess u s-sensibilizzazzjoni tagħhom fil-politika tal-enerġija u suġġetti relatati. (Sit web bl-Ingliż)
Il-Koalizzjoni tal-Edukazzjoni għall-Klima hija l-komunità tal-edukazzjoni parteċipattiva Ewropea li tappoġġja l-bidliet meħtieġa favur soċjetà newtrali għall-klima. (Sit web bl-Ingliż)
In-Network tal-Iskejjel Blu Ewropej huwa inizjattiva li tgħaqqad diversi organizzazzjonijiet, proġetti u persuni li jikkontribwixxu għall-għarfien dwar l-oċeani u l-ġestjoni sostenibbli tal-oċeani. (Sit web bl-Ingliż)
In-Network ta’ Sensibilizzazzjoni dwar ir-Radikalizzazzjoni (Prattikanti tar-RAN) jgħaqqad prattikanti tal-ewwel linja mill-Ewropa kollha li huma involuti kemm fil-prevenzjoni kif ukoll fil-ġlieda kontra l-estremiżmu vjolenti fil-forom kollha tiegħu. (Sit web bl-Ingliż)