Aktar minn 80 % tal-iskart tal-baħar huwa plastiks. Il-plastik jakkumula fl-ibħra, fl-oċeani u fuq il-bajjiet fl-UE u madwar id-dinja. Ir-residwi tal-plastik jinsabu fl-ispeċijiet tal-baħar – bħall-fkieren tal-baħar, il-foki, il-balieni u l-għasafar, iżda wkoll fil-ħut u fil-frott tal-baħar, u għalhekk fil-katina alimentari tal-bniedem.
Mit-3 ta’ Lulju 2021, il-platti tal-plastik li jintużaw darba biss, il-pożati, l-istros, l-istekek tal-bżieżaq u l-cotton buds ma jistgħux jitqiegħdu fis-swieq tal-Istati Membri tal-UE. Barra minn hekk, l-istess miżura tapplika għall-kikkri, għall-kontenituri tal-ikel u tax-xorb magħmula minn polistiren espandut, u għall-prodotti kollha magħmula minn plastik ossodegradabbli. Filwaqt li l-plastiks huma materjal konvenjenti, utli u li jistgħu jiġu vvalutati, dawn jeħtieġ li jintużaw, jintużaw mill-ġdid u jiġu rriċiklati aħjar.
Sib aktar informazzjoni (pubblikazzjonijiet, animazzjonijiet, vidjos...)
Dettalji
- Data tal-pubblikazzjoni
- 1 Lulju 2021