Ġimgħa Ewropea taż-Żgħażagħ - Il-futur tagħna f’idejna

Matul il-ġimgħa tal-24 sat-30 ta’ Mejju, se jsiru diversi avvenimenti eċċitanti u sessjonijiet ta’ ispirazzjoni fl-Ewropa kollha li jiffokaw fuq it-tema “Il-futur tagħna f’idejna”. Il-futur jinħoloq issa u għandek is-setgħa li tistabbilixxi għanijiet u tikkontribwixxi għal inizjattivi dwar kif l-affarijiet jistgħu jsiru aħjar. Barra minn hekk, din is-sena qed inniedu l-programmi l-ġodda tal-UE għaż-Żgħażagħ 2021-2027!

Tixtieq issir taf aktar dwar opportunitajiet ta’ finanzjament tal-UE jew issemma’ l-opinjoni tiegħek dwar il-proċessi li huma importanti għalik? Ħu sehem f’diversi avvenimenti u diskussjonijiet u semma’ leħnek għal kawża notevoli!