Is-6 ta’ Novembru huwa l-Jum Internazzjonali kontra l-Vjolenza u l-Bullying fl-Iskola – okkażjoni perfetta biex naqsmu l-fehmiet tat-tfal dwar kif jiġi evitat il-bullying ċibernetiku!
Aktar minn 6,300 tifel u tifla ta’ bejn it-12 u s-17-il sena mill-UE kollha qasmu l-fehmiet tagħhom fi stħarriġ online dwar il-bullying ċibernetiku. It-tweġibiet tagħhom joffru gwida ċara dwar x’jista’ jsir biex dan jiġi evitat u kif it-tfal u l-adolexxenti affettwati għandhom jiġu appoġġati.
- 29 % esperjenzaw bullying ċibernetiku filwaqt li 39 % rawh isir fuq ħaddieħor.
- 62 % ifittxu l-għajnuna u l-appoġġ ta’ ġenitur jew indokratur, 41 % ta’ ħabib(a) u 25 % ta’ għalliem(a) jew ta’ persunal tal-iskola.
- F’każ ta’ bullying ċibernetiku 56 % tat-tfal iridu li l-iskejjel jinfurzaw regoli ċari u li jwasslu għal konsegwenzi, filwaqt li 54 % jemmnu li l-bullying ċibernetiku għandu jiġi mgħallem fil-klassi.
X’inhi s-sitwazzjoni fl-iskola jew fil-klassi tiegħek? X’jistgħu jagħmlu l-istudenti, l-edukaturi u l-iskejjel biex jipprevjenu jew jgħinu l-vittmi?
Għal aktar informazzjoni żur is-sit web tal-Pjattaforma tal-UE għall-Parteċipazzjoni tat-Tfal u skopri r-rakkomandazzjonijiet ewlenin tat-tfal għal azzjoni.
Dettalji
- Data tal-pubblikazzjoni
- 6 Novembru 2025
- Awtur
- Id-Direttorat Ġenerali għall-Komunikazzjoni
Links relatati
Idħol biċ-ċans li żżur il-Parlament Ewropew flimkien mal-klassi tiegħek. Il-premju jinkludi wkoll programm imfassal apposta u akkomodazzjoni għal lejl wieħed.
Mit-18 sal-24 ta’ Novembru, niċċelebraw il-Ġimgħa Dinjija ta’ sensibilizzazzjoni dwar ir-reżistenza għall-antimikrobiċi – inizjattiva globali biex tiġi indirizzata t-theddida li dejjem qed tikber tar-reżistenza għall-antibijotiċi u għal mediċini antimikrobiċi oħra. Din il-kwistjoni tista’ taffettwa lil kulħadd u kullimkien, b’konsegwenzi serji għas-saħħa u s-soċjetà.
Is-soċjetà teħtieġ ċittadini attivi li jkunu kapaċi jsawru d-dinja li jixtiequ jgħixu fiha. Madankollu, jista’ jkun diffiċli li tħajjar it-tfal u ż-żgħażagħ biex jinteraġixxu mal-politika u l-valuri Ewropej. L-azzjonijiet Jean Monnet tal-Erasmus+ huma maħsuba b’mod speċifiku biex l-għalliema u l-iskejjel irawmu l-ġenerazzjoni li jmiss ta’ ċittadini attivi, infurmati u midħla tal-UE.
Ejjew inwasslu dan l-avveniment globali fil-klassi tiegħek! Din hija opportunità unika biex is-sensibilizzazzjoni ambjentali tintrabat mal-ġrajjiet kurrenti ħalli l-istudenti jintwerew li l-akbar deċiżjonijiet klimatiċi tad-dinja ma jsirux f’iżolament, iżda fi djalogu mal-futur tal-ġenerazzjoni tagħhom.
Għall-Edukaturi u l-Għalliema: Ispira lill-istudenti tiegħek – Issieħeb fl-avveniment L-Ewropa Tiegħek, Leħnek 2026.
Għall-parteċipanti żgħażagħ: L-ideat tiegħek, Il-vuċi tiegħek. Semma’ Leħnek – sawwar lill-Ewropa permezz ta’ L-Ewropa Tiegħek, Leħnek 2026.
Twelidt bejn l-1 ta’ Jannar 2007 u l-31 ta’ Diċembru 2007? L-applikazzjonijiet tad-DiscoverEU 2026 huma miftuħin bejn it-30 ta’ Ottubru u t-13 ta’ Novembru 2025 (ftuħ u għeluq f’12:00:00, nofsinhar, ħin ta’ Brussell). Titlifx din l-opportunità — il-vjaġġ tiegħek jibda issa!