Fl-2025, niċċelebraw l-40 sena tal-Ftehim ta’ Schengen — il-pedament tal-ivvjaġġar mingħajr fruntieri madwar l-UE. Bil-pass tad-DiscoverEU, tista’ tesplora l-Ewropa u tesperjenza din il-libertà personalment!
Għandek 18-il sena?
L-applikazzjonijiet għad-DiscoverEU 2026 huma miftuħin mit-30 ta’ Ottubru ’l quddiem. Applika/irreġistra biex ikollok iċ-ċans li tirbaħ pass bla ħlas li jippermettilek tivvjaġġa madwar l-Ewropa għal perjodu twil sa 30 jum!
X’hemm jistenniek
Agħżel id-destinazzjonijiet tiegħek u fassal il-vjaġġ tal-ħolm tiegħek: terraq fl-inħawi storiċi ta’ Ruma, esplora s-swieq tal-Milied ta’ Vjenna, u rrilassa fil-bajjiet xemxin tal-Kroazja. Tul il-vjaġġ, se tiltaqa’ ma’ żgħażagħ minn madwar l-Ewropa kollha u magħhom taqsam l-esperjenzi, il-lingwi, u l-istejjer. Tħaddet man-nies tal-lokal, ipprova attivitajiet ġodda, u esperjenza kulturi differenti. Kull mument huwa opportunità biex toħloq memorji li tibqa’ tiftakarhom u tgħożżhom għal dejjem.
Kif tapplika
1️⃣ Għandek 18-il sena? ✅
2️⃣ Agħmel il-kwiżż dwar l-Ewropa 📝
3️⃣ Applika hawn: Id-DiscoverEU | Il-Portal Ewropew taż-Żgħażagħ bejn it-30 ta’ Ottubru u t-13 ta’ Novembru. Jekk tintgħażel, il-pass tiegħek ikun lest u tibda l-avventura Ewropea tiegħek! 🎫
L-Ewropa qed issejjaħlek. Titlifx din l-opportunità — il-vjaġġ tiegħek jibda issa! 🚂
Dettalji
- Data tal-pubblikazzjoni
- 22 Ottubru 2025
- Awtur
- Id-Direttorat Ġenerali għall-Komunikazzjoni
Links relatati
Fl-1 ta’ Jannar 2026, il-Bulgarija adottat l-ewro u saret il-21 membru taż-żona tal-ewro.
Mill-1 ta’ Jannar sat-30 ta’ Ġunju 2026, Ċipru se jkollu l-Presidenza tal-Kunsill tal-Unjoni Ewropea, rwol ewlieni li jinbidel kull 6 xhur bejn il-pajjiżi tal-UE.
F’Settembru li għadda, il-Kummissjoni Ewropea sejħet lit-tfal u lill-adolexxenti biex jimlew stħarriġ online dwar il-bullying ċibernetiku. Aktar minn 6,300 tifel u tifla ta’ bejn it-12 u s-17-il sena mill-UE kollha qasmu l-fehmiet tagħhom.
Idħol biċ-ċans li żżur il-Parlament Ewropew flimkien mal-klassi tiegħek. Il-premju jinkludi wkoll programm imfassal apposta u akkomodazzjoni għal lejl wieħed.
Mit-18 sal-24 ta’ Novembru, niċċelebraw il-Ġimgħa Dinjija ta’ sensibilizzazzjoni dwar ir-reżistenza għall-antimikrobiċi – inizjattiva globali biex tiġi indirizzata t-theddida li dejjem qed tikber tar-reżistenza għall-antibijotiċi u għal mediċini antimikrobiċi oħra. Din il-kwistjoni tista’ taffettwa lil kulħadd u kullimkien, b’konsegwenzi serji għas-saħħa u s-soċjetà.
Is-soċjetà teħtieġ ċittadini attivi li jkunu kapaċi jsawru d-dinja li jixtiequ jgħixu fiha. Madankollu, jista’ jkun diffiċli li tħajjar it-tfal u ż-żgħażagħ biex jinteraġixxu mal-politika u l-valuri Ewropej. L-azzjonijiet Jean Monnet tal-Erasmus+ huma maħsuba b’mod speċifiku biex l-għalliema u l-iskejjel irawmu l-ġenerazzjoni li jmiss ta’ ċittadini attivi, infurmati u midħla tal-UE.