Niċċelebraw l-40 sena tal-bandiera ikonika tal-UE u l-innu tagħha

Kont taf li l-bandiera ikonika tal-Unjoni Ewropea qed tiċċelebra għeluq l-40 sena tagħha? 

Din ġiet adottata uffiċjalment fl-1985, meta l-mexxejja Ewropej qablu b’mod kollettiv dwar id-disinn bħala simbolu ta’ unità u għaqda. L-immaġni ta’ 12-il stilla tad-deheb fuq sema nir hija intiża li tirrappreżenta l-armonija u s-solidarjetà fost il-popli tal-Ewropa, bit-12-il stilla li jissimbolizzaw il-kompletezza u t-totalità. Minn dak iż-żmien ’l hawn, il-bandiera ttajret fuq il-bjut ta’ skejjel, u bini, u tinsab ukoll fuq il-pjanċi tal-vetturi u l-passaporti — li jfakkarna li rrispettivament minn fejn ġejjin, aħna lkoll parti mill-istess komunità Ewropea. 

U hemm aktar! L-2025 tfakkar ukoll l-40 anniversarju tal-innu Ewropew — “Ode to Joy”, jew “Innu lill-Ferħ” ta’ Beethoven — adottat fl-istess sena bħall-bandiera. Mingħajr il-lirika, il-lingwa universali tal-mużika tesprimi l-valuri li naqsmu bejnietna madwar l-Ewropa: il-libertà, il-paċi u s-solidarjetà.

Għaliex ma tiċċelebrax dawn is-simboli ikoniċi tal-identità Ewropea billi tara fejn tilmaħ il-bandiera tal-UE fil-belt tiegħek, jew billi tisma’ n-noti ferriħija tal-innu?

Skopri aktar dwar l-UE u kif din taffettwa l-ħajja tiegħek ta’ kuljum, hawnhekk 👇