- Aoisghrúpa
- Réimse
- Cineál an ábhair
Léiríonn staitisticí difríochtaí agus cosúlachtaí ar fud an Aontais nó laistigh de thíortha, agus is féidir lena léirshamhlú idirghníomhach a bheith ina acmhainn luachmhar do staidéir, don obair nó sa seomra ranga.
Féach leat réimse leathan táscairí san Aontas Eorpach – daonra, sláinte, oideachas, comhshaol, etc. – leis an tsraith foilseachán idirghníomhach thíos, agus bí ag spraoi leis na léirshamhluithe dinimiciúla chun staid do thíre a chur i gcomparáid leis an Aontas nó le tíortha eile! Gabhann téacsanna míniúcháin gearra le gach léirshamhlú chun go mbeidh tú in ann fiú na sonraí is casta a thuiscint.
Tugtar forléargas san fhoilseachán idirghníomhach seo ar fhorbairtí eacnamaíocha, sóisialta, déimeagrafacha agus comhshaoil ar fud an Aontais ar an leibhéal réigiúnach. Cuireann sé réimse amharcléirithe idirghníomhacha ar fáil in éineacht le téacsanna gearra míniúcháin a ligeann duit do réigiún a chur i gcomparáid le réigiúin eile san Eoraip.
Taispeánann an foilseachán idirghníomhach seo an méid is féidir a léiriú le staidreamh oifigiúil Eorpach maidir leis an gcaoi a bhfuil an daonra ag teacht chun cinn, ag dul in aois, agus tuilleadh sonraí nach iad. San fhoilseachán seo tá téacsanna gearra agus amharcléirithe idirghníomhacha lenár féidir sonraí ar leibhéal an Aontais Eorpaigh agus ar leibhéal na tíre a fhiosrú, agus treochtaí thar roinnt blianta a chur i gcomparáid le chéile. Ceithre rannán atá san fhoilseachán: struchtúr daonra, athrú daonra, éagsúlacht daonra agus stádas pósta.
San fhoilseachán seo, dírítear ar phraghsanna ar fud na hEorpa, agus cuirtear forbhreathnú mionsonraithe ar fáil ann i dtaca leis an ábhar sin, ar ábhar é a bhfuil ról ríthábhachtach aige i saol an uile dhuine. Tá an foilseachán leagtha amach i dtrí rannán, ‘An chaoi a mairimid’, ‘Costas tithíochta’ agus ‘Tógáil’ agus cuirtear sonraí ar fáil ann faoi bheith i do chónaí i dteach nó in árasán, faoi bheith i d’úinéir nó i do chíosaí, faoi mhéid agus caighdeán na tithíochta agus faoin tionchar ar an gcomhshaol. Cuirtear i láthair ann freisin éabhlóid praghsanna tithe agus cíosanna ó 2010, an chaoi ar tháinig éabhlóid ar earnáil na tógáil ó shin i leith agus léirítear ann na ceantair is mó san Aontas ina bhfuil go leor tógála déanta. Cuirtear na sonraí go léir i láthair trí théacsanna gairide agus léirithe idirghníomhacha chun go mbeidh tú in ann do thír féin a chur i gcomparáid le tíortha eile.
Cuirtear forbhreathnú ar fáil san fhoilseachán idirghníomhach seo maidir leis an imirce agus tearmann i dtíortha an Aontais. Tá sé eagraithe de réir ábhair, is iad sin: éagsúlacht an phobail, cosaint agus tearmann, imirce neamhrialta agus filleadh, agus scileanna imirceach. Mar chuid den fhoilseachán freisin tá téacsanna gairide agus léirithe idirghníomhacha chun go mbeidh tú in ann na sonraí a fhiosrú agus comparáid a dhéanamh idir tíortha.
Tá an fuinneamh ríthábhachtach dár saol laethúil. Cuidíonn an foilseachán idirghníomhach seo le tuiscint níos fearr a fháil ar ábhar casta an fhuinnimh, agus freagraíonn sé go leor ceisteanna ar bhealach an-simplí.
Tugtar le chéile san fhoilseachán téacsanna gairide ina gcuirtear i láthair príomhthorthaí in éineacht le léirithe idirghníomhacha chun go mbeidh tú in ann comparáid a dhéanamh idir tíortha na hEorpa trí tháscairí éagsúla.
3 rannán atá san fhoilseachán, is iad sin: foinsí fuinnimh, tomhaltas fuinnimh, agus an fuinneamh agus an comhshaol.
Tá teicneolaíochtaí digiteacha ag déanamh athrú ó bhonn ar an domhan ina mairimid agus ina n-oibrímid. Bíonn tionchar acu ar ghnéithe éagsúla dár saol, idir tascanna laethúla amhail glaonna a chur ar dhaoine agus siopadóireacht a dhéanamh, an chaoi a n-oibríonn gnólachtaí agus seirbhísí poiblí ina measc.
San fhoilseachán idirghníomhach ‘An Digitiú san Eoraip’ cuirtear ar fáil staitisticí atá éasca le tuiscint maidir le teicneolaíochtaí faisnéise agus cumarsáide agus an chaoi a n-úsáideann daoine agus gnólachtaí teicneolaíochtaí digiteacha.
Tugtar le chéile ann téacsanna gairide ina gcuirtear i láthair príomhthorthaí in éineacht le léirithe idirghníomhacha chun go mbeidh tú in ann comparáid a dhéanamh idir tíortha an Aontais trí tháscairí éagsúla.
