- Grupp ta’ età
- 'Il fuq minn 15-il sena
- Età minn 12-il sena sa 15-il sena
- Suġġett
- Tip ta’ materjal
L-istatistika turi d-differenzi u s-similaritajiet madwar l-UE jew fil-pajjiżi, u l-viżwalizzazzjoni interattiva tagħha tista’ tkun riżorsa siewja għall-istudji, għax-xogħol, jew għal-lezzjonijiet fil-klassi.
Esplora firxa wiesgħa ta’ indikaturi fl-Unjoni Ewropea – il-popolazzjoni, is-saħħa, l-edukazzjoni, l-ambjent, eċċ – permezz tas-serje ta’ pubblikazzjonijiet interattivi hawn taħt, u ilgħab bil-viżwalizzazzjonijiet dinamiċi biex tqabbel is-sitwazzjoni ta’ pajjiżek ma’ dik tal-UE jew ta’ pajjiżi oħrajn! Ma’ kull viżwalizzazzjoni hemm testi ta’ spjegazzjoni qosra, sabiex tkun tista’ tifhem anke l-aktar data kumplessa.
Din il-pubblikazzjoni interattiva tipprovdi ħarsa ġenerali lejn l-iżviluppi ekonomiċi, soċjali, demografiċi u ambjentali fl-UE fil-livell reġjonali. Hija toffri firxa ta’ viżwalizzazzjonijiet interattivi akkumpanjati minn testi qosra ta’ spjegazzjoni li permezz tagħhom tkun tista’ tqabbel ir-reġjun tiegħek ma’ reġjuni oħra fl-Ewropa.
Din il-pubblikazzjoni interattiva turi x’tista’ tgħidilna l-istatistika uffiċjali Ewropea dwar kif il-popolazzjoni qed tiżviluppa, tixjieħ, u ħafna aktar. Din il-pubblikazzjoni tinkludi testi qosra u stampi interattivi li bihom tkun tista’ tesplora d-data fil-livell tal-UE u tal-pajjiż, u tqabbel ix-xejriet fuq diversi snin. Il-pubblikazzjoni hija maqsuma f’erba’ taqsimiet: l-istruttura tal-popolazzjoni, il-bidla fil-popolazzjoni, id-diversità tal-popolazzjoni u l-istat ċivili.
Din il-pubblikazzjoni tiffoka fuq l-akkomodazzjoni fl-Ewropa kollha, u tagħti ħarsa ġenerali dettaljata lejn dan is-suġġett li għandu rwol vitali fil-ħajja ta’ kulħadd. Maqsuma fi tliet taqsimiet, “Kif ngħixu”, “L-ispiża tal-akkomodazzjoni” u “Il-kostruzzjoni”, il-pubblikazzjoni tipprovdi data dwar jekk ngħixux f’dar jew appartament u jekk aħniex is-sidien jew nikru, dwar id-daqs u l-kwalità tad-djar u dwar l-impatt ambjentali. Din tippreżenta wkoll l-evoluzzjoni tal-prezzijiet tad-djar u l-kirjiet mill-2010, kif evolva s-settur tal-kostruzzjoni minn dak iż-żmien u turi l-aktar żoni mibnija fl-UE. Id-data kollha tiġi ppreżentata permezz ta’ testi qosra u stampi interattivi li joffru l-possibbiltà li tqabbel lil pajjiżek ma’ oħrajn.
Din il-pubblikazzjoni tagħti ħarsa ġenerali lejn il-migrazzjoni u l-ażil fil-pajjiżi tal-UE. Hija maqsuma f’taqsimiet differenti: id-diversità tal-popolazzjoni, il-protezzjoni u l-ażil, il-migrazzjoni irregolari u r-ritorn, u l-ħiliet tal-migranti. Din il-pubblikazzjoni tinkludi testi qosra u stampi interattivi li bihom tkun tista’ tesplora d-data u tqabbel il-pajjiżi ma’ xulxin.
L-enerġija hija kruċjali fil-ħajja tagħna ta’ kuljum. Din il-pubblikazzjoni interattiva tgħin biex jinftiehem aħjar is-suġġett kumpless tal-enerġija, filwaqt li twieġeb ħafna mistoqsijiet b’mod sempliċi ħafna.
ll-pubblikazzjoni tgħaqqad testi qosra li jippreżentaw is-sejbiet ewlenin ma’ viżwalizzazzjonijiet interattivi li jippermettulek tqabbel il-pajjiżi tal-UE permezz ta’ indikaturi differenti.
Hija maqsuma fi tliet taqsimiet: is-sorsi tal-enerġija, il-konsum tal-enerġija u l-enerġija u l-ambjent.
It-teknoloġiji diġitali qed ibiddlu d-dinja li fiha ngħixu u naħdmu. Imissu ħafna aspetti differenti ta’ ħajjitna, minn attivitajiet ta’ kuljum bħal kif inċemplu u nagħmlu x-xirja sa kif jaħdmu n-negozji u s-servizzi pubbliċi.
Il-pubblikazzjoni interattiva “Id-Diġitalizzazzjoni fl-Ewropa” tipprovdi statistika li faċli tifhimha dwar it-teknoloġiji tal-informazzjoni u tal-komunikazzjoni u l-mod kif in-nies u n-negozji jużaw it-teknoloġiji diġitali.
Dan jgħaqqad testi qosra li jippreżentaw is-sejbiet ewlenin ma’ viżwalizzazzjonijiet interattivi li bihom tkun tista’ tqabbel il-pajjiżi tal-UE permezz ta’ indikaturi differenti.
