Is é eTwinning an líonra múinteoirí is mó san Eoraip. Cuireann sé ardán ar fáil chun cur ar chumas múinteoirí tionscadail chomhoibríocha a chruthú le scoil amháin nó níos mó as tíortha éagsúla. Cuireann sé seimineáir ghréasáin, comórtais agus ócáidí foghlama ar fáil freisin. Tá uirlisí éagsúla ann le haghaidh forbairt ghairmiúil agus is féidir leis na baill aitheantas a fháil as na tionscadail is fearr le lipéid cháilíochta agus le dámhachtainí eTwinning.
Ardán do mhúinteoirí, príomhoidí, lucht déanta beartas, saineolaithe agus gairmithe eile i réimse an oideachais scoile atá i gceist leis an tairseach School Education Gateway. Chomh maith leis an nuacht is déanaí agus na hacmhainní is déanaí, cuireann a Acadamh do Mhúinteoirí deiseanna forbartha gairmiúil ar fáil do mhúinteoirí trí chúrsaí ar líne agus ar an láthair.
Tá rannán tiomnaithe ann freisin chun tacú le hiarratasóirí agus rannpháirtithe Erasmus+ lena gcuirtear deiseanna éagsúla ar fáil do bhaill foirne na hearnála oideachais.
De réir na meastachán, is leanaí atá in aois scoile iad beagnach leath de na dídeanaithe ón Úcráin. Chuideodh sé go mór an strus síceolaíoch atá orthu a mhaolú ach iad a chur ar ais ar scoil, sin agus thabharfadh sé cobhsaíocht agus normáltacht dóibh, mar aon le hionchas don todhchaí.
Gheobhaidh tú roinnt alt agus acmhainní anseo, chun tacú le comhtháthú na dteifeach óg Úcráineach isteach i gcórais oideachais na mBallstát Eorpach agus na dtíortha Erasmus+.
Ba bhuaicphointe an aistear bliana seo de phlé, díospóireacht agus comhoibriú idir saoránaigh agus polaiteoirí ar thodhchaí na hEorpa le tuarascáil a cuireadh faoi bhráid Uachtarán institiúidí an AE an 9 Bealtaine. Leagtar amach sa tuarascáil 49 togra agus níos mó ná 320 beart lena n-áirítear cuspóirí nithiúla. Tá sé de dhualgas anois ar Pharlaimint na hEorpa, ar Chomhairle an AE agus ar an gCoimisiún Eorpach obair leantach a dhéanamh, gach ceann acu de réir a réimse inniúlachta féin.
Ábhair faoi leith a theagasc
An bhfuil tú ag lorg smaointí ó do phiaraí i dtaca le bealaí chun ábhar faoi leith a theagasc?
Féach ar na naisc úsáideacha seo atá againn:
- An radacú a chosc - líonra RAN
- Eolaíocht - Scientix