Il-Ġimgħa Ewropea taż-Żgħażagħ
Bejn l-24 ta’ April u l-1 ta’ Mejju 2026, il-Ġimgħa Ewropea taż-Żgħażagħ se tagħti l-opportunità liż-żgħażagħ madwar l-Ewropa kollha biex jiċċelebraw u jippromwovu l-involviment, il-parteċipazzjoni politika u ċ-ċittadinanza attiva. Matul din il-ġimgħa se jiġu organizzati diversi avvenimenti madwar l-Ewropa kollha, ilkoll iffokati fuq it-tema ta’ din is-sena: is-solidarjetà u l-ġustizzja. L-avveniment li jiftaħ il-Ġimgħa Ewropea taż-Żgħażagħ se jixxandar fuq l-internet, u tista’ ssegwih fuq il-Portal Ewropew taż-Żgħażagħ.
Ara l-mappa tal-attivitajiet biex tkun taf liema attivitajiet se jiġu organizzati viċin tiegħek. Din il-ġimgħa hija opportunità eċitanti biex tingħaqad magħna, titgħallem u titħajjar tinvolvi ruħek!
Dettalji
- Data tal-pubblikazzjoni
- 8 April 2026
- Awtur
- Id-Direttorat Ġenerali għall-Komunikazzjoni
Links relatati
Fid-9 ta’ Mejju 2026 niċċelebraw Jum l-Ewropa! Bħal-lum fid-9 ta’ Mejju 1950, il-Ministru Franċiż tal-Affarijiet Barranin ta’ dak iż-żmien, Robert Schuman, iffirma d-Dikjarazzjoni ta’ Schuman. Din fetħet era ġdida ta’ integrazzjoni, paċi u kooperazzjoni. Żur il-website ta’ Jum l-Ewropa u r-Rokna tat-Tagħlim biex issir taf iżjed.
Għandek 18-il sena u inti resident ta’ pajjiż tal-UE jew pajjiż ieħor assoċjat mal-Erasmus+? Mela pprepara ruħek għal avventura mad-DiscoverEU!
Il-Kummissjoni Ewropea qed tappella liż-żgħażagħ (15+) biex jgħidu tagħhom dwar l-Att dwar l-Ekonomija Ċirkolari, li se jiġi adottat dalwaqt — inizjattiva ewlenija tal-UE biex titnaqqas il-ħela, tingħata spinta lis-sostenibbiltà, u jinħolqu opportunitajiet ġodda.
It-2 ta’ April huwa l-Jum Internazzjonali tal-Verifika tal-Fatti, jum li jfakkarna biex nibqgħu viġilanti u reżiljenti quddiem il-miżinformazzjoni online. Fil-paġna tagħna “Ibqa’ Viġilanti Online” issib pariri u riżorsi essenzjali biex jgħinuk tinnaviga online mingħajr perikli.
L-Unjoni Ewropea qed tniedi stħarriġ qasir online għat-tfal u ż-żgħażagħ bejn it-12 u s-17-il sena. Ir-riżultati se jgħinu fit-tiswir tal-Att dwar l-ekwità diġitali – liġi ġdida li għandha l-għan li tagħmel l-apps, il-logħob u s-siti web aktar ġusti għall-iżgħar konsumaturi.
Illum, ir-Rokna tat-Tagħlim tiċċelebra għeluq is-7 sena tagħha! Ilha 7 snin toħloq, tippromwovi u tiżviluppa materjali ta’ tagħlim għaż-żgħażagħ madwar l-Ewropa bl-24 lingwa uffiċjali kollha tal-UE.