Seachtain Eorpach na hÓige
Ón 24 Aibreán go dtí an 1 Bealtaine 2026, tabharfaidh Seachtain Eorpach na hÓige deis do dhaoine óga ar fud na hEorpa rannpháirteachas, rannpháirtíocht pholaitiúil agus saoránacht ghníomhach a cheiliúradh agus a chur chun cinn. Ar feadh na seachtaine, beidh réimse leathan imeachtaí ar siúl ar fud na hEorpa ag díriú ar an dlúthpháirtíocht agus ar an gcothroime mar théama na bliana seo. Déanfar sruthú gréasáin ar thúsimeacht Sheachtain Eorpach na hÓige, mar sin coinnigh súil ar Thairseach Eorpach na hÓige.
Féach leat Léarscáil na nGníomhaíochtaí chun an méid atá ag tarlú i ngiorracht duit a fheiceáil. Deis iontach í an tseachtain seo chun naisc a dhéanamh le daoine eile, cur le do chuid eolais, agus spreagadh a fháil chun bheith páirteach!
Sonraí
- Dáta foilsithe
- 8 Aibreán 2026
- Údar
- Ard-Stiúrthóireacht na Cumarsáide
Naisc ghaolmhara
9 Bealtaine 2026 – déanaimid ceiliúradh ar Lá na hEorpa! An 9 Bealtaine 1950, shínigh iar-aire gnóthaí eachtracha na Fraince, Robert Schuman, Dearbhú Schuman. Chuir sé tús le ré an lánpháirtithe, na síochána agus an chomhair. Féach an méid atá le fáil ar shuíomh gréasáin Lá na hEorpa agus ar Chúinne na Foghlama!
An bhfuil tú 18 mbliana d’aois agus an bhfuil cónaí ort i dtír den Aontas Eorpach nó i dtír eile atá comhlachaithe le Erasmus+? Má tá, faigh faoi réir le dul ar eachtra le DiscoverEU!
Tá an Coimisiún Eorpach ag iarraidh ar dhaoine óga (15+) a dtuairimí a chomhroinnt faoin nGníomh um an nGeilleagar Ciorclach atá ar na bacáin, mórthionscnamh de chuid an Aontais Eorpaigh chun dramhaíl a laghdú, borradh a chur faoin inbhuanaitheacht, agus deiseanna nua a chruthú.
Is é an 2 Aibreán an Lá Idirnáisiúnta um Sheiceáil Fíricí, lá a mheabhraíonn dúinn a bheith diongbháilte agus athléimneach i gcoinne na mífhaisnéise ar líne. Ar ár leathanach Fanacht airdeallach ar líne is féidir leideanna agus acmhainní riachtanacha a aimsiú chun cabhrú leat do bhealach a dhéanamh go sábháilte tríd an saol ar líne.
Tá an tAontas Eorpach ag seoladh suirbhé gearr ar líne atá dírithe ar pháistí agus daoine óga idir 12-17 mbliana d’aois. Cuirfear na torthaí san áireamh agus an Gníomh um Chothroime Dhigiteach, atá ar na bacáin, á mhúnlú – dlí nua darb aidhm aipeanna, cluichí agus suíomhanna gréasáin a dhéanamh níos cothroime do na tomhaltóirí is óige.
Tá Cúinne na Foghlama 7 mbliana ar an bhfód inniu! Le 7 mbliana anuas, tá ábhair foghlama do dhaoine óga ar fud na hEorpa á gcruthú, á gcur chun cinn agus á bhforbairt don Chúinne i ngach ceann de 24 theanga oifigiúla an Aontais.