Is-sikurezza online hija kwistjoni ewlenija li taffettwa lit-tfal madwar l-UE. Biex ittejjeb is-sikurezza tagħhom, tagħtihom is-setgħa online u tiżviluppa ideat dwar kif jistgħu jiġu protetti aħjar, il-President von der Leyen organizzat l-ewwel laqgħa tal-Panel Speċjali dwar is-sikurezza tat-tfal online. Dan il-panel speċjali, li se jiltaqa’ f’diversi okkażjonijiet fix-xhur li ġejjin, jindirizza firxa ta’ kwistjonijiet u jinkludi inizjattivi bħall-iżvilupp ta’ app tal-UE għall-Verifika tal-Età. Se jiġi inkorporat ukoll feedback importanti mill-Bord Konsultattiv taż-Żgħażagħ għall-President u mill-Panels taċ-Ċittadini. Sas-sajf tal-2026, il-panel għandu l-għan li jippreżenta rapport b’rakkomandazzjonijiet lill-President von der Leyen.
Tixtieq tkun taf kif l-UE tipproteġik online? Ir-regoli l-ġodda introdotti fl-Att dwar is-Servizzi Diġitali (DSA) għandhom l-għan li joħolqu ambjent online aktar ġust u sikur.
Dettalji
- Data tal-pubblikazzjoni
- 5 Marzu 2026
- Awtur
- Id-Direttorat Ġenerali għall-Komunikazzjoni
Links relatati
Illum, ir-Rokna tat-Tagħlim tiċċelebra għeluq is-7 sena tagħha! Ilha 7 snin toħloq, tippromwovi u tiżviluppa materjali ta’ tagħlim għaż-żgħażagħ madwar l-Ewropa bl-24 lingwa uffiċjali kollha tal-UE.
Fil-Jum Internazzjonali tal-Mara, dawn iċ-ċifri mhumiex sempliċiment statistika. Ifakkruna fit-talent, fir-reżiljenza u fl-impatt tan-nisa fl-Ewropa, kif ukoll fl-impenn kondiviż biex inkomplu noħolqu opportunitajiet indaqs għall-futur.
Tnieda dibattitu online ġdid fuq il-Pjattaforma għall-Involviment taċ-Ċittadini, li jistieden lin-nies madwar l-UE jaqsmu l-ideat tagħhom dwar il-preparatezza u r-reżiljenza. Ħeġġeġ lin-networks, lill-għalliema u lill-istudenti tiegħek (16+) biex jesploraw il-pjattaforma u jirriflettu dwar xi tfisser il-preparatezza fil-kuntest tagħhom!
Il-21 ta’ Frar huwa l-Jum Internazzjonali tal-Lingwa Materna. Il-lingwa hija parti kbira minn min aħna u minn fejn ġejjin, u huwa għalhekk li l-Boxxla Kulturali għall-Ewropa tgħin biex tipproteġi u tippromwovi din id-diversità għanja.
Il-bullying ċibernetiku huwa problema marbuta mas-sikurezza online li trid tiġi indirizzata b’urġenza, u li taffettwa liż-żgħażagħ fl-Ewropa kollha.
Kull sekonda tgħodd f’emerġenza. Madankollu, ħafna żgħażagħ (u wkoll adulti) għadhom jitħawdu u mhumiex ċerti liema numru għandhom iċemplu, speċjalment meta jkunu qegħdin jivvjaġġaw jew jgħixu bejn il-fruntieri. Il-Jum Ewropew tal-112, li jiġi ċċelebrat kull sena fil-11 ta’ Frar, qiegħed hemm biex ibiddel l-inċertezza fi stint.