Jum Internazzjonali tal-Edukazzjoni

Fl-24 ta’ Jannar id-dinja tiċċelebra l-Jum Internazzjonali tal-Edukazzjoni, ipproklamat mill-Assemblea Ġenerali tan-Nazzjonijiet Uniti fl-2018, sabiex jinxteħet dawl fuq ir-rwol tal-edukazzjoni għall-paċi u l-iżvilupp. Wara s-sena 2020, li fiha t-tagħlim tfixkel sew u ġiet ipposponuta l-edukazzjoni ta’ miljuni ta’ żgħażagħ, l-2021 hi aktar minn qatt qabel is-sena li fiha jeħtieġ li tiġi enfasizzata l-importanza tal-edukazzjoni. L-edukazzjoni hi l-vantaġġ l-aktar b’saħħtu għat-tkissir taċ-ċiklu tal-faqar, għat-tneħħija tal-inugwaljanzi bejn il-ġeneri u għall-istimulazzjoni tat-tkabbir ekonomiku.