Tá an tAontas Eorpach ag seoladh suirbhé gearr ar líne atá dírithe ar pháistí agus daoine óga idir 12-17 mbliana d’aois. Cuirfear na torthaí san áireamh agus an Gníomh um Chothroime Dhigiteach, atá ar na bacáin, á mhúnlú – dlí nua darb aidhm aipeanna, cluichí agus suíomhanna gréasáin a dhéanamh níos cothroime do na tomhaltóirí is óige.
Fiafraítear sa suirbhé de na daltaí faoina n-eispéireas ar líne: cad é atá cothrom agus cad é nach bhfuil, dar leo féin, agus cad é ba mhaith leo a fheabhsú. Thart ar 15 nóiméad a thógann sé lena dhéanamh, agus tá sé ar fáil i dteangacha uile an Aontais. Is féidir é a líonadh isteach go neamhspleách nó le tacaíocht ó dhuine fásta. Freagraí anaithnide a bheidh ann, agus cuirfidh siad bonn eolais go díreach faoi bheartas an Aontais.
Cuidigh le daoine óga ról gníomhach a bheith acu maidir le múnlú an tsaoil ar líne a bhíonn siad a úsáid gach lá!
Iarrtar orthu an suirbhé a dhéanamh (sa teanga is rogha leo) faoin 26 Aibreán 2026.
Sonraí
- Dáta foilsithe
- 30 Márta 2026
- Údar
- Ard-Stiúrthóireacht na Cumarsáide
- Aoisghrúpa
- 12 - 15 bliana
- 15 bliana nó níos sine
- Type of content
- News
Naisc ghaolmhara
Nuacht
An bhfuil tú 18 mbliana d’aois agus an bhfuil cónaí ort i dtír den Aontas Eorpach nó i dtír eile atá comhlachaithe le Erasmus+? Má tá, faigh faoi réir le dul ar eachtra le DiscoverEU!
Is é an 2 Aibreán an Lá Idirnáisiúnta um Sheiceáil Fíricí, lá a mheabhraíonn dúinn a bheith diongbháilte agus athléimneach i gcoinne na mífhaisnéise ar líne. Ar ár leathanach Fanacht airdeallach ar líne is féidir leideanna agus acmhainní riachtanacha a aimsiú chun cabhrú leat do bhealach a dhéanamh go sábháilte tríd an saol ar líne.
Tá Cúinne na Foghlama 7 mbliana ar an bhfód inniu! Le 7 mbliana anuas, tá ábhair foghlama do dhaoine óga ar fud na hEorpa á gcruthú, á gcur chun cinn agus á bhforbairt don Chúinne i ngach ceann de 24 theanga oifigiúla an Aontais.
Ar Lá Idirnáisiúnta na mBan, tá níos mó i gceist leis na figiúirí sin ná díreach staitisticí. Cuireann siad i gcuimhne dúinn tallann, athléimneacht agus tionchar na mban ar fud na hEorpa, agus an tiomantas comhroinnte ar mhaithe le comhionannas deiseanna a fhorbairt don todhchaí.
Tá tús curtha le díospóireacht nua ar líne ar Ardán Rannpháirtíochta na Saoránach, lena n-iarrtar ar dhaoine ar fud an Aontais a gcuid smaointe maidir le hullmhacht agus athléimneacht a roinnt. Spreag do líonraí, do mhúinteoirí agus do dhaltaí (16+) chun féachaint ar an ardán, agus machnamh a dhéanamh ar a bhfuil i gceist le hullmhacht ina gcomhthéacs féin.
Is saincheist mhór í an tsábháilteacht ar líne a dhéanann difear do leanaí ar fud an Aontais. Chun a sábháilteacht a fheabhsú, chun iad a chumhachtú ar líne agus chun smaointe a fhorbairt maidir le conas iad a chosaint ar bhealach níos fearr, thionóil an tUachtarán von der Leyen an chéad chruinniú den Phainéal Speisialta maidir le sábháilteacht leanaí ar líne.