An bhfuil fonn ort dul i gcion ar an gcomhrac in aghaidh an athraithe aeráide? Faoin gComhshocrú Aeráide Eorpach, iarrtar ar scoileanna agus ar ollscoileanna ar fud na hEorpa páirt a ghlacadh in Pact2School agus daoine óga a spreagadh chun beart a dhéanamh de réir a gcuid smaointe faoin aeráid.
Is tionscnamh é an Comhshocrú Aeráide Eorpach a thugann daoine, pobail agus eagraíochtaí le chéile chun dul i ngleic leis an athrú aeráide agus chun áit níos athléimní a dhéanamh den Eoraip. Trí Pact2School, is féidir le scoileanna agus le hollscoileanna dul i gcomhar le hAmbasadóirí agus Comhpháirtithe an Chomhshocraithe Aeráide chun an inbhuanaitheacht a fhiosrú, chun réitigh chruthaitheacha a fhorbairt agus chun fíorthionchar a imirt laistigh dá bpobal féin.
Cén tairbhe a bhainfidh tusa as? Beidh deis agat eolas a chur ar smaointe nua i dtaobh gníomhú ar son na haeráide, aithne a chur ar dhaoine atá chomh paiseanta céanna faoin inbhuanaitheacht agus atá tú féin, agus do chuid gníomhaíochtaí a chur i láthair trí chainéil chumarsáide an Chomhshocraithe Aeráide Eorpaigh. Ar a bharr sin, is féidir maoiniú suas le €1,000 a fháil chun anáil na beatha a shéideadh isteach i dtionscadal aeráide arna stiúradh ag daltaí nó ag mic léinn.
Scoileanna agus ollscoileanna atá ag iarraidh a bheith páirteach, caithfidh siad dul i gcomhpháirt le hAmbasadóir ar son an Chomhshocraithe Aeráide nó le Comhpháirtí de chuid an Chomhshocraithe:
Chun teacht ar ambasdóir nó ar chomhpháirtí do dhiongbhála, bain úsáid as Léarscáil Idirghníomhach an Chomhshocraithe NÓ engagement
euclimatepact [dot] eu (cuir scéala chuig foireann an Chomhshocraithe).
Ar thóir inspioráide? Téigh ag póirseáil trí acmhainní praiticiúla, smaointe le haghaidh gníomhaíochtaí agus tionscadail bhuaiteacha ón gcéad bhabhta de Pact2School.
Réidh chun oibre? Déan iarratas faoin 15 Eanáir 2027 ar 12:00 (Am Lár na hEorpa) go n-imreoidh tú fíorthionchar ar son na haeráide i do scoil féin agus i do phobal féin!
An bhfuil tú réidh le gníomhú i leith an athraithe aeráide? Nó an bhfuil aithne agat ar dhuine ar shuim leis gníomhú?
Ón 1 Deireadh Fómhair go dtí an 31 Deireadh Fómhair beidh glao ar Ambasadóirí nua le haghaidh an Chomhshocraithe Aeráide Eorpaigh ar oscailt! Déantar iarratais a mheasúnú ar bhonn atrátha, mar sin tá fáilte roimh iarratais luatha (in aon cheann de theangacha oifigiúla an Aontais Eorpaigh).
- Dáta foilsithe
- 19 Deireadh Fómhair 2026
- Údar
- Ard-Stiúrthóireacht na Cumarsáide
- Type of content
- News
Naisc ghaolmhara
The European Commission adopted its new Education and Skills Package on 5 November, building on the Union of Skills and supporting EU Member States in improving education and training.
Win a class trip to visit the European Parliament with a tailored programme and one night stay.
San Eorabharaiméadar is déanaí maidir leis an Óige agus an Daonlathas, fiosraítear na tuairimí, an méid is ábhar imní agus ionchais dhaoine óga na hEorpa in 2026. Tugann na torthaí léargas ar an dearcadh atá ag daoine óga i leith an daonlathais agus ar an ról atá acu i dtaca le todhchaí na hEorpa a mhúnlú.
An bhfuil tú i do bhall de ghrúpa óige agus smaointe le comhroinnt agat faoi thodhchaí na hEorpa? Tá Parlaimint na hEorpa ag cur tacaíocht airgeadais ar fáil chun cuidiú le grúpaí daoine óga páirt a ghlacadh sa Chruinniú Eorpach um an Óige (EYE) ón 18-19 Meitheamh 2027 in Strasbourg.
An bhfuil tionscadal ag do scoil a chuidíonn le daltaí eolas a chur ar an aigéan agus ar an nasc atá againn leis? Déan iarratas thar ceann do scoile ar bheith ina Scoil Ghorm Eorpach faoin 15 Nollaig!
The new European statistics learning hub is here to help! Whether you're a student, teacher, parent or simply curious, you'll find engaging resources to explore statistics and discover how they relate to everyday life.