Is é Meán Fómhair tús na bliana acadúla, tráth a mbíonn féilire ina uirlis riachtanach do dhaltaí chun a sceideal a eagrú, spriocanna a leagan síos, agus dul chun cinn a rianú.
Sheol an Coimisiún Eorpach Féilire na Bliana Scoile le haghaidh 2025-2026, féilire a bhfuil níos mó i gceist leis ná dátaí marcála. Dearadh é chun comhráite sa seomra ranga a spreagadh faoi shábháilteacht ar líne. I ndomhan ina mbíonn daoine óga nasctha i gcónaí, cén chaoi ar féidir linn cabhrú leo dul i ngleic leis an saol digiteach go muiníneach agus go cúramach?
Gach mí scrúdófar leis an bhféilire téama a chuirfidh iompar níos sábháilte ar líne chun cinn. Ón gcibearshlándáil, cearta digiteacha agus litearthacht dhigiteach, cuirfear i dtábhacht leis an acmhainn seo na scileanna a theastaíonn ó dhaltaí léinn chun go mbeidh rath orthu ar líne. Cad atá i gceist le bheith sábháilte, cliste agus measúil ar an idirlíon? Cuidíonn an féilire leat na ceisteanna sin a fhreagairt.
Cuimsítear ann freisin laethanta tábhachtacha domhanda, mar aon le laethanta deasghnátha an Aontais, rud a chuirfidh deiseanna tráthúla ar fáil chun feasacht a mhúscailt maidir le saincheisteanna tábhachtacha sa seomra ranga.
Agus ó tharla go bhfuil tábhacht leis an bhfás pearsanta freisin, tá spás ann do dhaltaí chun machnamh a dhéanamh ar a mbliain acadúil, í a phleanáil agus spriocanna a leagan síos lena haghaidh.
Tá sé ar fáil i ngach ceann de theangacha oifigiúla an Aontais, ach tá níos mó i gceist leis ná féilire. Treoir don bhliain ar fad is ea é chun muinín dhigiteach a chothú, mí i ndiaidh míosa.
👉 2025 2026 School year calendar #DigitalEU - Publications Office of the EU
Sonraí
- Dáta foilsithe
- 24 Iúil 2025
- Údar
- Ard-Stiúrthóireacht na Cumarsáide
- Type of content
- News
Naisc ghaolmhara
Mí Mheán Fómhair seo caite, d’iarr an Coimisiún Eorpach ar leanaí agus ar dhéagóirí suirbhé ar líne a líonadh isteach maidir leis an mbulaíocht ar líne. Comhroinn os cionn 6,300 leanbh idir 12-17 mbliana d’aois ó gach cearn den Aontas a dtuairimí.
Buaigh turas ranga chun cuairt a thabhairt ar Pharlaimint na hEorpa lena ngabhfaidh clár saincheaptha agus fanacht aon oíche amháin.
Ón 18-24 Samhain déanaimid ceiliúradh ar an tSeachtain Feasachta Domhanda maidir le Frithsheasmhacht Fhrithmhiocróbach, tionscnamh domhanda chun dul i ngleic leis an mbagairt mhéadaitheach ó fhrithsheasmhacht in aghaidh antaibheathach agus cógais fhrithmhiocróbacha eile. Is féidir leis an tsaincheist sin difear a dhéanamh do dhuine ar bith, áit ar bith, agus iarmhairtí tromchúiseacha a bheith ann don tsláinte agus don tsochaí.
Tá saoránaigh ghníomhacha de dhíth ar an tsochaí, saoránaigh ar féidir leo an domhan ar mian leo cónaí ann a mhúnlú. Mar sin féin, d’fhéadfadh sé a bheith dúshlánach leanaí agus déagóirí a spreagadh chun dul i ngleic leis an bpolaitíocht agus le luachanna Eorpacha. Tá Gníomhaíochtaí Jean Monnet Erasmus+ deartha go sonrach do mhúinteoirí agus do scoileanna chun an chéad ghlúin eile de shaoránaigh ghníomhacha, eolasacha agus fabhrach don Aontas a chothú.
Is é an 6 Samhain an lá idirnáisiúnta i gcoinne an fhoréigin agus na cibearbhulaíochta ar scoil. Deis iontach atá ann tuairimí na leanaí a chomhroinnt faoin dóigh chun an chibearbhulaíocht a chosc!
Tugaimis an t-imeacht domhanda seo isteach i do sheomra ranga! Seo deis ar leith chun feasacht comhshaoil a nascadh le cúrsaí reatha agus chun a thaispeáint do dhaltaí nach ina n-aonar a dhéantar na cinntí aeráide is mó ar domhan, ach trí idirphlé maidir le todhchaí a nglún.