An Gníomh Eorpach um Leas ár Leanaí ar Líne: Céard a athrófar do leanaí ar líne?

Samhlaigh aip a oscailt agus fios a bheith agat gur dearadh í agus sábháilteacht leanaí á cur san áireamh. 
Is é sin an smaoineamh atá taobh thiar den Ghníomh Eorpach um Leas ár Leanaí ar líne. Is togra nua ón gCoimisiún Eorpach é chun an saol ar líne a dhéanamh níos sábháilte do leanaí agus do dhéagóirí.  

Leis an togra, thabharfaí isteach cosaintí éagsúla ag brath ar aois.  

Faoi bhun 13 bliana d’aois? Gan aon rochtain ar na meáin shóisialta.  
Idir 13 agus 14 bliana d'aois? Ní bheadh rochtain ar na meáin shóisialta ach trí chuntas faoi mhaoirseacht tuismitheora nó caomhnóra.
Idir 15 agus 18 mbliana d'aois? D’fhéadfadh daoine óga a gcuntais féin a oscailt, iad sábháilte trí dhearadh.                                                               

Ach níl sna teorainneacha aoise ach cuid den scéal. Bheadh ar ardáin a bheith sábháilte trí dhearadh freisin: gan aon ghnéithe andúile, scrolláil gan teorainn, nó teachtaireachtaí nach bhfuil ag teastáil ó strainséirí, agus cosaintí príobháideachais níos láidre d’úsáideoirí óga. Bheadh ar bhotaí comhrá agus compánaigh intleachta saorga coimircí sonracha a chomhlíonadh freisin.  

I gcás tuismitheoirí, múinteoirí agus oibrithe óige, is é is aidhm don togra uirlisí níos láidre a chur ar fáil chun tacú le leanaí ar líne. I gcás daoine óga, ciallaíonn sé spásanna digiteacha níos sábháilte agus a bpríobháideachas, a rannpháirtíocht agus a rochtain ar eolas atá oiriúnach ó thaobh aoise de á gcaomhnú ag an am céanna.  
 

Measann 92% de mhuintir na hEorpa gur príomhthosaíocht bheartais é an gá atá le cosaint leanaí agus daoine óga ar líne a neartú a thuilleadh.  

Foinse: Eorabharaiméadar Speisialta maidir leis an Deacáid Dhigiteach, 2026 

Tá an togra le Parlaimint na hEorpa agus leis an gComhairle anois lena phlé agus lena ghlacadh.