Awguri f’Jum l-Għalliema

Fil-5 ta’ Ottubru niċċelebraw il-ħidma importanti tal-għalliema madwar id-dinja u nuruhom l-apprezzament li tant jistħoqqilhom. 

L-għalliema għandhom rwol kruċjali fit-tiswir tal-kapaċitajiet intellettwali taż-żgħażagħ Ewropej. Fi żmien fejn l-internet, il-midja soċjali u l-intelliġenza artifiċjali huma aċċessibbli għal ħafna tfal u adulti żgħażagħ, l-għalliema għandhom ir-rwol dejjem aktar importanti u dejjem aktar iebes li jiggwidaw lill-ġenerazzjonijiet żgħażagħ tagħna biex jaħsbu b’mod indipendenti u kritiku dwar id-dinja ta’ madwarhom. 

Aħna, mir-Rokna tat-Tagħlim, napprezzaw l-għalliema kollha li ħadmu magħna matul is-snin biex noħolqu materjal edukattiv ġdid u mtejjeb dwar l-Unjoni Ewropea għall-gruppi tal-etajiet kollha u fl-24 lingwa kollha tal-UE. Huwa għalhekk li ngħidu grazzi kbira lill-għalliema kollha — ma stajniex naslu mingħajrkom!