Il-Kummissjoni Ewropea qed tappella liż-żgħażagħ (15+) biex jgħidu tagħhom dwar l-Att dwar l-Ekonomija Ċirkolari, li se jiġi adottat dalwaqt — inizjattiva ewlenija tal-UE biex titnaqqas il-ħela, tingħata spinta lis-sostenibbiltà, u jinħolqu opportunitajiet ġodda.
Din hija opportunità unika biex l-istudenti tiegħek tabilħaqq jagħtu l-kontribut tagħhom għal strateġiji politiċi li se jkollhom impatt fuq l-impjiegi, l-innovazzjoni, l-għoli tal-ħajja, il-kwalità tal-ħajja, u l-ambjent li se jirtu. Ħeġġiġhom jieħdu sehem fid-diskussjoni u jsemmgħu leħinhom!
Kif jistgħu jipparteċipaw iż-żgħażagħ?
Iż-żgħażagħ jistgħu:
- jimlew kwestjonarju online sat-12 ta’ April 2026
- jipparteċipaw fis-sessjoni dwar “Il-perspettivi taż-żgħażagħ dwar l-Att dwar l-Ekonomija Ċirkolari, li dalwaqt jiġi adottat”, online jew personalment (wieħed irid jirreġistra għaliha) fit-22 ta’ April, matul il-Konferenza Annwali tal-Pjattaforma Ewropea tal-Partijiet Interessati tal-Ekonomija Ċirkolari (ECESP) 2026, u/jew
- jippreżentaw kontribuzzjonijiet addizzjonali bil-miktub wara l-konferenza, sad-29 ta’ April.
Sorsi
Dettalji
- Data tal-pubblikazzjoni
- 7 April 2026
- Awtur
- Id-Direttorat Ġenerali għall-Komunikazzjoni
- Grupp ta’ età
- 'Il fuq minn 15-il sena
- Type of content
- News
Links relatati
Għandek 18-il sena u inti resident ta’ pajjiż tal-UE jew pajjiż ieħor assoċjat mal-Erasmus+? Mela pprepara ruħek għal avventura mad-DiscoverEU!
It-2 ta’ April huwa l-Jum Internazzjonali tal-Verifika tal-Fatti, jum li jfakkarna biex nibqgħu viġilanti u reżiljenti quddiem il-miżinformazzjoni online. Fil-paġna tagħna “Ibqa’ Viġilanti Online” issib pariri u riżorsi essenzjali biex jgħinuk tinnaviga online mingħajr perikli.
L-Unjoni Ewropea qed tniedi stħarriġ qasir online għat-tfal u ż-żgħażagħ bejn it-12 u s-17-il sena. Ir-riżultati se jgħinu fit-tiswir tal-Att dwar l-ekwità diġitali – liġi ġdida li għandha l-għan li tagħmel l-apps, il-logħob u s-siti web aktar ġusti għall-iżgħar konsumaturi.
Illum, ir-Rokna tat-Tagħlim tiċċelebra għeluq is-7 sena tagħha! Ilha 7 snin toħloq, tippromwovi u tiżviluppa materjali ta’ tagħlim għaż-żgħażagħ madwar l-Ewropa bl-24 lingwa uffiċjali kollha tal-UE.
Fil-Jum Internazzjonali tal-Mara, dawn iċ-ċifri mhumiex sempliċiment statistika. Ifakkruna fit-talent, fir-reżiljenza u fl-impatt tan-nisa fl-Ewropa, kif ukoll fl-impenn kondiviż biex inkomplu noħolqu opportunitajiet indaqs għall-futur.
Tnieda dibattitu online ġdid fuq il-Pjattaforma għall-Involviment taċ-Ċittadini, li jistieden lin-nies madwar l-UE jaqsmu l-ideat tagħhom dwar il-preparatezza u r-reżiljenza. Ħeġġeġ lin-networks, lill-għalliema u lill-istudenti tiegħek (16+) biex jesploraw il-pjattaforma u jirriflettu dwar xi tfisser il-preparatezza fil-kuntest tagħhom!