- Aoisghrúpa
- 12 - 15 bliana
- Réimse
- Cineál an ábhair
Mar chuid de na hacmhainní seo, atá ceaptha do dhaoine óga, do thuismitheoirí agus d’oideoirí araon, tá modúil, bileoga eolais, ceachtanna idirghníomhacha, agus gníomhaíochtaí atá réidh don seomra ranga, lena mínítear a thábhachtaí atá sé aghaidh a thabhairt ar fhrithsheasmhacht fhrithmhiocróbach (FSFM).
Cuidíonn na huirlisí sin chun an bhitheolaíocht atá taobh thiar de FSFM a chur i gcomhthéacs, na fíorchúiseanna leis a fhiosrú (cuir i gcás mí-úsáid antaibheathach i measc daoine agus beostoc), agus foghlaimeoirí a chumhachtú chun cleachtais a leanúint a chuireann srian ar fhrithsheasmhacht – cúrsaí iomlána a chríochnú, féinleigheas a sheachaint, agus sláinteachas a chothabháil.
Tá na hacmhainní oiriúnach do sheomraí ranga nó don fhoghlaim fhéinstiúrtha agus is furasta iad a chomhtháthú go solúbtha i gcuraclaim sláinte, eolaíochta nó saoránachta. Cibé is aidhm duit feasacht a mhúscailt nó tuiscint níos doimhne a chur ar threochtaí frithsheasmhachta frithmhiocróbaí, tugann an t-ábhar teagaisc ‘Only Up: Beat the Bug’ an t-eolas agus an cumas d’fhoghlaimeoirí chun gníomhú, chomh maith leis an spraoi a bhaineann le haistear bunaithe ar chluiche. I ndeireadh na dála, misean comhroinnte atá ann: an fhrithsheasmhacht a shárú sula sáraí sí sinne.
Is féidir na hábhair a chomhcheangal leis an gcluiche ‘Only Up: Beat the Bug’. Cuidíonn an teaglaim den dá rud chun eispéireas tarraingteach a dhéanamh den eolaíocht chasta sláinte poiblí, rud a chabhróidh le do dhaltaí teachtaireachtaí inghníomhaithe a thabhairt abhaile leo: antaibheathaigh a úsáid ar bhealach freagrach, an t-eolas a scaipeadh, agus na glúnta atá le teacht a chosaint.
Is cuid de chur chuige níos leithne an Aontais ar a dtugtar ‘Aon Sláinte Amháin’ é an tionscadal seo, cur chuige lena nasctar dearcthaí ar shláinte an duine, sláinte ainmhithe agus sláinte an chomhshaoil.
Na teangacha atá le fáil: Bulgáiris, Béarla, Gréigis, Ungáiris, Rómáinis agus Spáinnis