Jum l-Ewropa, li jiġi ċċelebrat fid-9 ta’ Mejju ta’ kull sena, jiċċelebra l-paċi u l-għaqda fl-Unjoni Ewropea. Biex jitfakkar Jum l-Ewropa 2022, se jseħħu varjetà ta’ attivitajiet u avvenimenti għall-etajiet kollha madwar l-Ewropa. Din is-sena, fil-kuntest tas-Sena Ewropea taż-Żgħażagħ, l-enfasi qed titpoġġa fuq il-vuċi taż-żgħażagħ għal futur aħjar. Skopri x’qed jiġri madwarek u ħu sehem fl-attivitajiet differenti biex titgħallem aktar dwar l-UE u kif taħdem. www.europeday.europa.eu/
Jum l-Ewropa jfakkar id-data li fiha l-Ministru tal-Affarijiet Barranin Franċiż ta’ dak iż-żmien Robert Schuman ippreżenta d-Dikjarazzjoni ta’ Schuman, fid-9 ta’ Mejju 1950. Schuman ressaq l-idea ta’ kooperazzjoni politika fl-Ewropa biex tiġi stabbilita paċi dejjiema bejn in-nazzjonijiet Ewropej. Din il-proposta wasslet għall-ħolqien ta’ Komunità Ewropea tal-Faħam u l-Azzar, li issa hi meqjusa bħala l-pedament tal-Unjoni Ewropea, kif nafuha llum.
Sorsi
Dettalji
- Data tal-pubblikazzjoni
- 21 April 2022
- Awtur
- Id-Direttorat Ġenerali għall-Komunikazzjoni
- Type of content
- News