Ta’ kull sena fit-12 ta’ Awwissu, il-Jum Internazzjonali taż-Żgħażagħ jiċċelebra l-enerġija, il-kreattività u l-ideat li ż-żgħażagħ iġibu fis-soċjetajiet tagħna. Huwa wkoll opportunità biex ngħarfu r-rwol importanti li għandhom fit-tiswir ta’ futur aktar demokratiku, inklussiv u sostenibbli.
L-Unjoni Ewropea hija impenjata li tiżgura li ż-żgħażagħ ikollhom l-għarfien, il-ħiliet u l-opportunitajiet biex jipparteċipaw b’mod attiv fis-soċjetà. Iż-żgħażagħ tal-lum qed jgħinu jsawru l-futur tal-Ewropa, mill-azzjoni klimatika sat-trasformazzjoni diġitali sal-litteriżmu medjatiku u l-involviment ċiviku.
Trid tesplora aktar is-suġġett mal-istudenti tiegħek? Ir-Rokna tat-tagħlim tal-UE toffri logħob, kwiżiż, materjali għat-tagħlim u attivitajiet tal-klassi multilingwi dwar l-Unjoni Ewropea, id-demokrazija, iċ-ċittadinanza attiva, il-ħiliet diġitali, l-intelliġenza artifiċjali, il-litteriżmu medjatiku, l-azzjoni klimatika u ħafna aktar.
Sew jekk inti għalliem, ġenitur jew edukatur, skopri riżorsi li jħeġġu ż-żagħżagħ jaħsbu b’mod kritiku, jinvolvu rwieħhom fil-komunitajiet tagħhom u jsemmgħu leħinhom. Dan għax kull żgħażugħ għandu l-potenzjal li jgħin isawwar Ewropa aktar b’saħħitha u futur aħjar.
Riżorsi:
- Itlob lill-istudenti tiegħek jippruvaw l-Europa Quest li huwa kwiżż interattiv li wieħed jitgħallem minnu dwar l-Unjoni Ewropea filwaqt li jinkoraġġixxi wkoll il-ħidma f’tim u l-komunikazzjoni, irawwem sens ta’ komunità u tagħlim flimkien
- Ikseb aktar informazzjoni dwar kif il-Parlament Ewropew jaħdem għaż-żgħażagħ permezz tal-Hub taż-Żgħażagħ tal-Parlament Ewropew
- Involvi ruħek hija pjattaforma tal-UE għaċ-ċittadini sabiex dawn jipparteċipaw attivament fit-tiswir tal-Unjoni Ewropea.
- Sir af kif iż-żgħażagħ wed juru aktar fiduċja minn qatt qabel fl-Unjoni Ewropea fl-aħħar Ewrobarometru li ħareġ f’Mejju 2026
- Data tal-pubblikazzjoni
- 12 Awwissu 2026
- Awtur
- Id-Direttorat Ġenerali għall-Komunikazzjoni
Links relatati
X’inhu l-aktar importanti għaż-żgħażagħ fl-Ewropa? Din hija l-mistoqsija fil-qofol tat-tieni laqgħa tal-Bord Konsultattiv taż-Żgħażagħ tal-President, li saret fi Brussell fit-22 ta’ Lulju.
Id-djalogu tal-UE maż-Żgħażagħ jagħti liż-żgħażagħ madwar l-Ewropa l-opportunità li jaqsmu l-ideat tagħhom ma’ dawk li jfasslu l-politika. Ara dan il-filmat qasir biex tiskopri kif jaħdem dan id-djalogu u għaliex il-vuċi tiegħek tiswa!
On 15 July, we celebrate World Youth Skills Day – a reminder that the skills young people develop today will help shape the Europe and the world of tomorrow.
Kif nistgħu naraw li l-internet isir post b’inqas perikli għal kulħadd? Hemm żewġ fuljetti ġodda disponibbli b’suġġerimenti prattiċi kif wieħed iżomm ’il bogħod mill-perikli meta jkun online – wieħed għat-tfal u l-adolexxenti, u wieħed għal dawk li jieħdu ħsiebhom u għall-ġenituri.
From 1 July 2026 to 31 December 2026, Ireland will hold the Presidency of the Council of the European Union, a key role that rotates every six months between EU countries.
Fit-18 ta’ Ġunju, tliet istituzzjonijiet tal-UE — il-Parlament Ewropew, il-Kunsill tal-Unjoni Ewropea u l-Kummissjoni Ewropea — iffirmaw l-ewwel Dikjarazzjoni Konġunta dwar il-Kultura li qatt saret.