Is mian leis an Aontas Eorpach (AE) go mbeidh cibé atá de dhíth ar leanaí agus ar dhéagóirí chun a bheith sásta agus sláintiúil ar fáil dóibh, agus bíonn cabhair agus tacaíocht bhreise de dhíth ar roinnt leanaí.
Tá plean ag gach tír san Aontas chuige sin, agus trí Ardán Rannpháirtíochta Leanaí an Aontais is mian linn cloisteáil ó leanaí maidir leis an gcaoi a gceapann siad a bhfuil rudaí ag obair ina dtíortha féin.
Táimid ag fiafraí faoi rochtain ar oideachas saor in aisce, ar ghníomhaíochtaí scoile agus ar bhéilí, agus ar nithe eile a bhíonn de dhíth ar leanaí chun go gcuirfidh siad leo féin, cuir i gcás cúram sláinte agus tithíocht.
Úsáidfear na torthaí chun a fháil amach an bhfuil pleananna na mBallstát ag obair, mar chuid d’athbhreithniú ar an Ráthaíocht Eorpach do Leanaí; agus a chinntiú go gcuirtear tuairimí na saoránach is óige san áireamh.
- Beidh an suirbhé ar líne i dteangacha uile an Aontais ar oscailt go dtí an 8 Nollaig 2025 do leanaí agus déagóirí uile an Aontais atá faoi bhun 18 mbliana d’aois: Suirbhé ar an mbochtaineacht agus ar an gcuimsiú sóisialta
Scaip ar do scoileanna agus do líonraí é ionas gur féidir leis an líon is mó leanaí is féidir a dtuairimí a chur in iúl!
Sonraí
- Dáta foilsithe
- 20 Deireadh Fómhair 2025
- Údar
- Ard-Stiúrthóireacht na Cumarsáide
Naisc ghaolmhara
Buaigh turas ranga chun cuairt a thabhairt ar Pharlaimint na hEorpa lena ngabhfaidh clár saincheaptha agus fanacht aon oíche amháin.
Ón 18-24 Samhain déanaimid ceiliúradh ar an tSeachtain Feasachta Domhanda maidir le Frithsheasmhacht Fhrithmhiocróbach, tionscnamh domhanda chun dul i ngleic leis an mbagairt mhéadaitheach ó fhrithsheasmhacht in aghaidh antaibheathach agus cógais fhrithmhiocróbacha eile. Is féidir leis an tsaincheist sin difear a dhéanamh do dhuine ar bith, áit ar bith, agus iarmhairtí tromchúiseacha a bheith ann don tsláinte agus don tsochaí.
Tá saoránaigh ghníomhacha de dhíth ar an tsochaí, saoránaigh ar féidir leo an domhan ar mian leo cónaí ann a mhúnlú. Mar sin féin, d’fhéadfadh sé a bheith dúshlánach leanaí agus déagóirí a spreagadh chun dul i ngleic leis an bpolaitíocht agus le luachanna Eorpacha. Tá Gníomhaíochtaí Jean Monnet Erasmus+ deartha go sonrach do mhúinteoirí agus do scoileanna chun an chéad ghlúin eile de shaoránaigh ghníomhacha, eolasacha agus fabhrach don Aontas a chothú.
Is é an 6 Samhain an lá idirnáisiúnta i gcoinne an fhoréigin agus na cibearbhulaíochta ar scoil. Deis iontach atá ann tuairimí na leanaí a chomhroinnt faoin dóigh chun an chibearbhulaíocht a chosc!
Tugaimis an t-imeacht domhanda seo isteach i do sheomra ranga! Seo deis ar leith chun feasacht comhshaoil a nascadh le cúrsaí reatha agus chun a thaispeáint do dhaltaí nach ina n-aonar a dhéantar na cinntí aeráide is mó ar domhan, ach trí idirphlé maidir le todhchaí a nglún.
Le haghaidh Oideoirí agus Múinteoirí: Tabhair spreagadh do na daltaí agat – Glac páirt i Leatsa an Eoraip, Abair leat! 2026.
Le haghaidh Rannpháirtithe Óga: Do chuid smaointe, Do ghuth. Labhair amach – déan an Eoraip a mhúnlú le Leatsa an Eoraip, Abair leat! 2026.