Logħba ta’ rwoli: Nindirizzaw id-differenzi – L-ilpup u n-nies jistgħu jgħixu flimkien?

L-irkupru tal-ispeċijiet tal-karnivori l-kbar tal-Ewropa, bħal-lupu, l-ors u l-linċi, jista’ jitqies suċċess. Madankollu bil-wasla lura tagħhom wara snin ta’ qerda, feġġew mill-ġdid il-kunflitti, b’mod partikolari f’żoni maqsuma ma’ dawn l-ispeċijiet u fejn jaf jiġu attakkati l-bhejjem.  

Il-membri tal-Pjattaforma Ewropea tal-Karnivori Kbar żviluppaw logħba divertenti u interattiva biex tidħlu fil-parti ta’ ragħaj, kaċċatur, konservazzjonist tan-natura jew politiku lokali. Flimkien tridu ssibu soluzzjonijiet biex tgħixu flimkien mal-lupu għal żmien twil b’mod sostenibbli fiż-żona tagħkom.  

Waqt li jilagħbu din il-logħba ta’ rwoli, l-istudenti se jkunu jistgħu jitgħallmu jifhmu l-interessi ta’ nies oħrajn, il-pożizzjonijiet tagħhom u x’influwenza dawk il-fehmiet; se jaħdmu fuq l-iżvilupp personali u l-ħiliet ta’ negozjar għaliex il-grupp irid isib kompromess; jew jitgħallmu aktar dwar il-lupu u l-bijoloġija tiegħu.  

Minbarra t-tagħlim dwar il-bijoloġija tal-lupu, issir enfasi speċjali fuq il-promozzjoni tad-djalogu u r-rispett tal-perspettivi tal-partijiet milquta kollha. Dan billi ż-żgħażagħ jiġu megħjuna jifhmu l-fatturi soċjali, ekonomiċi u kulturali sottostanti tal-koeżistenza bejn il-bnedmin u l-ispeċijiet tal-karnivori kbar.

Din il-logħba ssibha bil-lingwi li ġejjin: iċ-Ċek, il-Franċiż, il-Ġermaniż, l-Ingliż, l-Ispanjol, il-Kroat, l-Olandiż, il-Portugiż, ir-Rumen, it-Taljan u l-Ungeriż. 

Se tkun disponibbli b’lingwi oħra dalwaqt. Ibqa’ segwina!