Il-konkors annwali tat-traduzzjoni fl-UE kollha jistieden lill-istudenti tal-iskejjel sekondarji li twieldu fl-2009 biex jagħmlu t-test tal-ħiliet lingwistiċi tagħhom. Il-parteċipanti jistgħu jittraduċu bejn kwalunkwe waħda mill-24 lingwa uffiċjali tal-UE — billi jagħżlu minn 552 kombinazzjoni lingwistika impressjonanti possibbli.
Total ta’ 720 skola madwar l-UE mistiedna jieħdu sehem, bis-sehem ta’ kull pajjiż ibbażat fuq l-għadd ta’ siġġijiet tiegħu fil-Parlament Ewropew. Minn meta beda l-konkors fl-2007, aktar minn 3,000 żagħżugħ u żagħżugħa kull sena laqgħu l-isfida li jsiru tradutturi għal ġurnata.
L-isfida hija li tittraduċi test ta’ paġna filwaqt li turi l-ħiliet lingwistiċi, il-kreattività u t-talent naturali tiegħek biex issib biss il-kliem it-tajjeb.
U hemm aktar! Is-27 rebbieħ — wieħed minn kull Stat Membru tal-UE — se jiġu mistiedna Brussell għal vjaġġ ta’ tlett ijiem f’April 2027, li jinkludi ċerimonja speċjali tal-premjazzjoni biex jiġi ċċelebrat is-suċċess tagħhom.
Lest li tittestja l-għarfien tiegħek? Il-kliem tiegħek jista’ jwasslek sa Brussell!
🗓️ Immarka l-kalendarji tiegħek: ir-reġistrazzjonijiet isiru mill-1 ta’ Settembru (f’nofsinhar) sat-12 ta’ Ottubru (minuta qabel idoqq nofsillejl) 2026 (Ħin tal-Ewropa Ċentrali).
Ara s-sit web tal-Juvenes Translatores għal aktar dettalji.
- Data tal-pubblikazzjoni
- 3 Settembru 2026
- Awtur
- Id-Direttorat Ġenerali għall-Komunikazzjoni
- Type of content
- Competition