Il-Kummissjoni Ewropea qed taħdem fuq Pjan ta’ azzjoni dwar il-Bullying ċibernetiku. Dan se jinkludi azzjonijiet li għandhom jieħdu l-adulti, l-iskejjel u l-pjattaformi tal-media soċjali biex jgħinu fil-prevenzjoni tal-bullying ċibernetiku u jappoġġaw aħjar lit-tfal affettwati minnu.
Biex niżguraw li l-Pjan jindirizza l-ħtiġijiet tat-tfal, jirrispetta d-drittijiet tagħhom u jirrifletti l-esperjenzi tagħhom, irridu nisimgħuhom. Biex isir dan, il-Pjattaforma tal-UE għall-Parteċipazzjoni tat-tfal nediet stħarriġ online (fil-lingwi kollha tal-UE) għat-tfal u l-adolexxenti bejn it-12 u s-17-il sena.
It-tfal jistgħu jipparteċipaw fl-istħarriġ waħedhom, b’appoġġ minn adult fdat, jew bħala parti minn sessjoni rilevanti fil-klassi. Bl-għan li niżguraw li jkun adattat għat-tfal, l-istħarriġ ġie rivedut mit-tfal membri tal-Pjattaforma tal-UE għall-Parteċipazzjoni tat-tfal, u saru l-bidliet skont il-feedback tagħhom.
- Għat-tfal bejn it-12 u s-17-il sena: Stħarriġ dwar il-Bullying ċibernetiku għall-2025
- L-adulti, iż-żgħażagħ ta’ aktar minn 18-il sena, u l-organizzazzjonijiet ukoll jistgħu jgħidu tagħhom permezz tal-Konsultazzjoni formali tal-UE: Pjan ta’ azzjoni kontra l-bullying ċibernetiku
Kemm l-istħarriġ online kif ukoll il-konsultazzjoni tal-UE jagħlqu fid-29 ta’ Settembru 2025.
Dettalji
- Data tal-pubblikazzjoni
- 5 Settembru 2025
- Awtur
- Id-Direttorat Ġenerali għall-Komunikazzjoni
Links relatati
Idħol biċ-ċans li żżur il-Parlament Ewropew flimkien mal-klassi tiegħek. Il-premju jinkludi wkoll programm imfassal apposta u akkomodazzjoni għal lejl wieħed.
Mit-18 sal-24 ta’ Novembru, niċċelebraw il-Ġimgħa Dinjija ta’ sensibilizzazzjoni dwar ir-reżistenza għall-antimikrobiċi – inizjattiva globali biex tiġi indirizzata t-theddida li dejjem qed tikber tar-reżistenza għall-antibijotiċi u għal mediċini antimikrobiċi oħra. Din il-kwistjoni tista’ taffettwa lil kulħadd u kullimkien, b’konsegwenzi serji għas-saħħa u s-soċjetà.
Is-soċjetà teħtieġ ċittadini attivi li jkunu kapaċi jsawru d-dinja li jixtiequ jgħixu fiha. Madankollu, jista’ jkun diffiċli li tħajjar it-tfal u ż-żgħażagħ biex jinteraġixxu mal-politika u l-valuri Ewropej. L-azzjonijiet Jean Monnet tal-Erasmus+ huma maħsuba b’mod speċifiku biex l-għalliema u l-iskejjel irawmu l-ġenerazzjoni li jmiss ta’ ċittadini attivi, infurmati u midħla tal-UE.
Is-6 ta’ Novembru huwa l-jum internazzjonali kontra l-vjolenza u l-bullying ċibernetiku fl-iskola – Okkażjoni perfetta biex naqsmu l-fehmiet tat-tfal dwar kif jiġi evitat il-bullying ċibernetiku!
Ejjew inwasslu dan l-avveniment globali fil-klassi tiegħek! Din hija opportunità unika biex is-sensibilizzazzjoni ambjentali tintrabat mal-ġrajjiet kurrenti ħalli l-istudenti jintwerew li l-akbar deċiżjonijiet klimatiċi tad-dinja ma jsirux f’iżolament, iżda fi djalogu mal-futur tal-ġenerazzjoni tagħhom.
Għall-Edukaturi u l-Għalliema: Ispira lill-istudenti tiegħek – Issieħeb fl-avveniment L-Ewropa Tiegħek, Leħnek 2026.
Għall-parteċipanti żgħażagħ: L-ideat tiegħek, Il-vuċi tiegħek. Semma’ Leħnek – sawwar lill-Ewropa permezz ta’ L-Ewropa Tiegħek, Leħnek 2026.