Mí Mheán Fómhair seo caite, d’iarr an Coimisiún Eorpach ar leanaí agus ar dhéagóirí suirbhé ar líne a líonadh isteach maidir leis an mbulaíocht ar líne. Comhroinn os cionn 6,300 leanbh idir 12-17 mbliana d’aois ó gach cearn den Aontas a dtuairimí.
- Thuairiscigh 29% go ndearnadh cibearbhulaíocht orthu féin agus chonaic 39% acu cibearbhulaíocht a bheith déanta ar dhaoine eile.
- Rachadh 62% acu chuig tuismitheoir nó chuig cúramóir chun cuidiú agus tacaíocht a fháil, 41% acu chuig cara, agus 25% chuig múinteoir nó chuig foireann scoile.
- Is mian le 56% de na leanaí go ndéanfadh na scoileanna rialacha soiléire agus iarmhairtí don chibearbhulaíocht a fhorfheidhmiú, agus creideann 54% acu gur cheart eolas faoin gcibearbhulaíocht a theagasc sa seomra ranga. Tá 49% díobh ag iarraidh tacaíochta, tacaíocht shíceolaíoch san áireamh, dóibh siúd a ndearnadh bulaíocht orthu
Comhroinn na rannpháirtithe a gcuid smaoine maidir leis an méid a d’fhéadfaí a dhéanamh chun an chibearbhulaíocht a chosc, agus conas tacú le leanaí agus le déagóirí atá thíos léi.
Cad í an staid i do scoil nó i do rang féin? Cad is féidir le daltaí, oideoirí agus scoileanna a dhéanamh chun íospartaigh a chosc nó chun cabhrú leo?
Téigh go suíomh gréasáin Ardán an Aontais um Rannpháirtíocht Leanaí chun tuilleadh léargas a fháil agus príomh-mholtaí na leanaí le haghaidh gníomhaíochta a fheiceáil.
Sonraí
- Dáta foilsithe
- 8 Nollaig 2025
- Údar
- Ard-Stiúrthóireacht na Cumarsáide
Naisc ghaolmhara
Buaigh turas ranga chun cuairt a thabhairt ar Pharlaimint na hEorpa lena ngabhfaidh clár saincheaptha agus fanacht aon oíche amháin.
Ón 18-24 Samhain déanaimid ceiliúradh ar an tSeachtain Feasachta Domhanda maidir le Frithsheasmhacht Fhrithmhiocróbach, tionscnamh domhanda chun dul i ngleic leis an mbagairt mhéadaitheach ó fhrithsheasmhacht in aghaidh antaibheathach agus cógais fhrithmhiocróbacha eile. Is féidir leis an tsaincheist sin difear a dhéanamh do dhuine ar bith, áit ar bith, agus iarmhairtí tromchúiseacha a bheith ann don tsláinte agus don tsochaí.
Tá saoránaigh ghníomhacha de dhíth ar an tsochaí, saoránaigh ar féidir leo an domhan ar mian leo cónaí ann a mhúnlú. Mar sin féin, d’fhéadfadh sé a bheith dúshlánach leanaí agus déagóirí a spreagadh chun dul i ngleic leis an bpolaitíocht agus le luachanna Eorpacha. Tá Gníomhaíochtaí Jean Monnet Erasmus+ deartha go sonrach do mhúinteoirí agus do scoileanna chun an chéad ghlúin eile de shaoránaigh ghníomhacha, eolasacha agus fabhrach don Aontas a chothú.
Is é an 6 Samhain an lá idirnáisiúnta i gcoinne an fhoréigin agus na cibearbhulaíochta ar scoil. Deis iontach atá ann tuairimí na leanaí a chomhroinnt faoin dóigh chun an chibearbhulaíocht a chosc!
Tugaimis an t-imeacht domhanda seo isteach i do sheomra ranga! Seo deis ar leith chun feasacht comhshaoil a nascadh le cúrsaí reatha agus chun a thaispeáint do dhaltaí nach ina n-aonar a dhéantar na cinntí aeráide is mó ar domhan, ach trí idirphlé maidir le todhchaí a nglún.
Le haghaidh Oideoirí agus Múinteoirí: Tabhair spreagadh do na daltaí agat – Glac páirt i Leatsa an Eoraip, Abair leat! 2026.
Le haghaidh Rannpháirtithe Óga: Do chuid smaointe, Do ghuth. Labhair amach – déan an Eoraip a mhúnlú le Leatsa an Eoraip, Abair leat! 2026.