Ón 1 Eanáir go dtí an 30 Meitheamh 2026, beidh Uachtaránacht Chomhairle an Aontais Eorpaigh ag an gCipir. Is ról tábhachtach é sin a rothlaíonn gach 6 mhí idir na Ballstáit den Aontas. Le linn na tréimhse sin, is í an Chipir a thabharfaidh treoir d’obair airí an Aontais, eagróidh sí cruinnithe sa Bhruiséil agus ar fud na hEorpa, agus cuideoidh sí chun dlíthe nua a mhúnlú a dhéanfaidh difear do gach Eorpach. Feidhmeoidh sí freisin mar ‘thógálaí droichid’ idir institiúidí an Aontais, is iad sin: an Chomhairle, Parlaimint na hEorpa, agus an Coimisiún Eorpach.
Cad air a ndíreoidh an Chipir?
Ar an gcéad dul síos, an tslándáil. Tá sé d’aidhm ag Uachtaránacht na Cipire freagairt na hEorpa ar bhagairtí seachtracha a neartú, bainistiú teorainneacha a fheabhsú, agus tacú leis an gcomhar maidir le cosaint agus imirce. Ar an dara dul síos, an t-iomaíochas. Is mian leis an gCipir cabhrú leis an Aontas fanacht láidir i ndomhan níos glaise agus níos digití tríd an nuálaíocht a spreagadh, trí rialacha digiteacha a shimpliú, agus trí thacú le tionscail na hEorpa. Ar an tríú dul síos, buiséad fadtéarmach na hEorpa. In 2026 rachaidh na Ballstáit den Aontas i mbun caibidlíochta maidir leis an gcéad Chreat Airgeadais Ilbhliantúil eile (an plean airgeadais lena dtugtar treoir do chaiteachas an Aontais ar feadh 7 mbliana). Beidh ról lárnach ag an gCipir maidir le cuidiú leis na 27 dtír teacht ar chomhsheasamh. Ar deireadh, is mian leis an gCipir an tAontas a thabhairt níos gaire dá mhuintir. Is éard atá i gceist leis sin tacú le tionscnaimh don óige, leis an gcuimsiú sóisialta agus le beartais a dhéanann fíordhifríocht i saol laethúil mhuintir na hEorpa.
Cé go mbeidh an uachtaránacht aici, ní thabharfar an chumhacht don Chipir cinntí a dhéanamh aisti féin, ach tabharfar an fhreagracht di an plé a stiúradh chun an tAontas a choinneáil ar an mbealach ar aghaidh.
Chun eolas a fháil faoin gcaoi a ndéanann an Chomhairle cinntí, bain triail as cluiche rólimeartha leo.
Glac ról aire náisiúnta agus faigh léargas ar chinnteoireacht an Aontais trí chaibidlíocht a dhéanamh faoi fhíorábhair thábhachtacha.
Sonraí
- Dáta foilsithe
- 22 Nollaig 2025
- Údar
- Ard-Stiúrthóireacht na Cumarsáide
- Type of content
- News
Naisc ghaolmhara
On 1 January 2026, Bulgaria adopted the euro and became the 21st member of the euro area.
Mí Mheán Fómhair seo caite, d’iarr an Coimisiún Eorpach ar leanaí agus ar dhéagóirí suirbhé ar líne a líonadh isteach maidir leis an mbulaíocht ar líne. Comhroinn os cionn 6,300 leanbh idir 12-17 mbliana d’aois ó gach cearn den Aontas a dtuairimí.
Buaigh turas ranga chun cuairt a thabhairt ar Pharlaimint na hEorpa lena ngabhfaidh clár saincheaptha agus fanacht aon oíche amháin.
Ón 18-24 Samhain déanaimid ceiliúradh ar an tSeachtain Feasachta Domhanda maidir le Frithsheasmhacht Fhrithmhiocróbach, tionscnamh domhanda chun dul i ngleic leis an mbagairt mhéadaitheach ó fhrithsheasmhacht in aghaidh antaibheathach agus cógais fhrithmhiocróbacha eile. Is féidir leis an tsaincheist sin difear a dhéanamh do dhuine ar bith, áit ar bith, agus iarmhairtí tromchúiseacha a bheith ann don tsláinte agus don tsochaí.
Tá saoránaigh ghníomhacha de dhíth ar an tsochaí, saoránaigh ar féidir leo an domhan ar mian leo cónaí ann a mhúnlú. Mar sin féin, d’fhéadfadh sé a bheith dúshlánach leanaí agus déagóirí a spreagadh chun dul i ngleic leis an bpolaitíocht agus le luachanna Eorpacha. Tá Gníomhaíochtaí Jean Monnet Erasmus+ deartha go sonrach do mhúinteoirí agus do scoileanna chun an chéad ghlúin eile de shaoránaigh ghníomhacha, eolasacha agus fabhrach don Aontas a chothú.
Is é an 6 Samhain an lá idirnáisiúnta i gcoinne an fhoréigin agus na cibearbhulaíochta ar scoil. Deis iontach atá ann tuairimí na leanaí a chomhroinnt faoin dóigh chun an chibearbhulaíocht a chosc!