Cén chaoi ar féidir linn an t-idirlíon a dhéanamh níos sábháilte do chách?
Tá dhá bhileog eolais nua ar fáil anois ina bhfuil leideanna praiticiúla maidir le sábháilteacht ar líne; bileog amháin do leanaí agus do dhéagóirí, agus bileog eile do thuismitheoirí agus do chúramóirí. Cuireann na hacmhainní sin le hobair Phainéal Speisialta an Choimisiúin Eorpaigh maidir le sábháilteacht leanaí ar líne, lena dtugtar saineolas agus dearcthaí daoine óga le chéile le cuidiú chun todhchaí dhigiteach níos sábháilte a chruthú do chách.
Clúdaíonn na bileoga eolais ábhair laethúla, cuir i gcás eolas pearsanta a chosaint, camscéimeanna a aithint, smaoinigh sula gcomhroinntear ábhar, tuiscint a fháil ar an gcaoi ar féidir leis an intleacht shaorga a bheith míthreorach, agus a bheith ar an eolas faoin áit ar féidir cabhair a fháil má théann rud éigin amú. Gheobhaidh tuismitheoirí comhairle freisin maidir le nósanna sláintiúla scáileáin, aipeanna atá oiriúnach ó thaobh aoise de, agus comhráite maidir le sábháilteacht ar líne a choinneáil oscailte de réir mar a fhásann leanaí aníos.
Léigh na bileoga eolais anseo (ar fáil i ngach teanga oifigiúil de chuid an Aontais): Painéal speisialta - An Coimisiún Eorpach
Trí bheith ar líne, cuidítear linn nascadh, foghlaim agus spraoi a bheith againn, ach is féidir leis an iomarca ama scáileáin tionchar a imirt ar ár meabhairshláinte agus ar ár sláinte fhisiciúil. I gcás daoine óga, tá sé thar a bheith tábhachtach cothromaíocht shláintiúil a aimsiú.
- Dáta foilsithe
- 13 Iúil 2026
- Údar
- Ard-Stiúrthóireacht na Cumarsáide
- Type of content
- News
Naisc ghaolmhara
From 1 July 2026 to 31 December 2026, Ireland will hold the Presidency of the Council of the European Union, a key role that rotates every six months between EU countries.
An 18 Meitheamh shínigh trí institiúid thábhachtacha de chuid an Aontais, is iad sin Parlaimint na hEorpa, Comhairle an Aontais Eorpaigh agus an Coimisiún Eorpach, an chéad Dearbhú Comhpháirteach maidir leis an gCultúr.
Ar mhaith leat tuairisceoireacht a dhéanamh ón mBruiséil, cuairt a thabhairt ar institiúidí agus ar sheomraí nuachta an Aontais, agus foghlaim ó iriseoirí a bhfuil taithí acu?
Is féidir iarratas a dhéanamh anois ar an 10ú heagrán de Youth4Regions, clár an Choimisiúin Eorpaigh le haghaidh iriseoirí ardaidhmeannacha atá idir 18-30 bliain d’aois.
Tá an intleacht shaorga (IS) ag teacht chun cinn sa saol laethúil de réir a chéile, agus tá na scileanna de dhíth ar an aos óg chun í a úsáid go siosmaideach.
An raibh a fhios agat go bhfuil cearta ag saoránaigh an Aontais a d’fhéadfadh cabhrú leo roghanna eolacha a dhéanamh faoina gcaiteachas fuinnimh agus faoina mbillí?
Feachtas nua de chuid an Choimisiúin Eorpaigh is ea ‘Bain lántairbhe as an gcumhacht atá agat! Leatsa an fuinneamh. Agatsa na cearta. Leatsa an rogha.’ lena mínítear na cearta sin le samplaí praiticiúla fíorshaoil.
An bhfuil tú sa tóir ar ábhair agus treoirlínte a thacóidh leat agus tú ag ullmhú daoine óga don saol digiteach? B’fhéidir gur mhaith leat an leathanach seo a leabharmharcáil.