An difear a dhéanann Daonlathas an Aontais - Cuir do thuairim in iúl leis an Tionscnamh Eorpach ó na Saoránaigh

Ar mhaith le do dhaltaí cuidiú chun difear a dhéanamh sa domhan? Leis na huirlisí ‘An difear a dhéanann Daonlathas an Aontais’, spreagtar daltaí chun ról gníomhach a ghlacadh i saincheisteanna Eorpacha trí cheithre cheacht idirghníomhacha maidir leis an daonlathas san Aontas agus leis an Tionscnamh Eorpach ó na Saoránaigh.

Baineann uirlisí ‘An difear a dhéanann Daonlathas an Aontais’ de chuid an Tionscnaimh Eorpaigh ó na Saoránaigh úsáid as an teagasc, an taighde, díospóireacht, obair thionscadail agus ról-imirt mar chuid de cheithre aonad ionas go bhfoghlaimeoidh daltaí faoin gcaoi a ndéantar cinntí san Aontas, faoin gcaoi a ndéanann na cinntí sin difear dá saol laethúil, agus faoin gcaoi a gcuireann an Tionscnamh Eorpach ó na Saoránaigh ar a gcumas dul i gcomhairle daoine eile chun beartas an Aontais a mhúnlú i dtaca le saincheisteanna ar cás leo iad.



Leis an Tionscnamh Eorpach ó na Saoránaigh, is féidir le saoránaigh an Aontais tionchar a imirt ar bheartais an Aontais trí ábhair a chur ar chlár oibre an Aontais. Bunaíodh an Tionscnamh in 2012 agus is é is aidhm do na huirlisí sin feasacht ar an Tionscnamh Eorpach ó na Saoránaigh a mhéadú i measc daltaí na sraithe sinsearaí, sin agus a thaispeáint dóibh an chaoi le bheith ina saoránaigh ghníomhacha ar feadh an tsaoil.