Fl-1 ta’ Jannar 2026, il-Bulgarija adottat l-ewro u saret il-21 membru taż-żona tal-ewro. Dan jimmarka pass importanti fil-vjaġġ Ewropew tal-pajjiż. Il-lev Bulgaru kien ilu bosta snin marbut mal-ewro b’rata fissa ta’ EUR 1 = 1.95583 lev, u għalhekk il-bidla se tinħass eħfef. Madankollu issa, l-adozzjoni uffiċjali tal-ewro se tiftaħ opportunitajiet ġodda: ivvjaġġar u xiri aktar faċli madwar l-Ewropa, daqshekk tariffi tal-kambju, u parteċipazzjoni aktar b’saħħitha fid-deċiżjonijiet ekonomiċi tal-Ewropa.
Il-Bulgarija kif waslet hawn?
Fl-2025, il-Bank Ċentrali Ewropew ikkonferma li l-Bulgarija ssodisfat ir-rekwiżiti kollha biex tissieħeb fl-ewro. Imbagħad f’Lulju 2025 il-ministri tal-UE taw l-approvazzjoni finali u wittew it-triq biex il-pajjiż jibda t-tranżizzjoni għall-munita l-ġdida. Biex jgħinu liċ-ċittadini jippreparaw ruħhom, il-ħwienet u s-servizzi ilhom mis-sajf tal-2025 juru l-prezzijiet bil-lev u bl-ewro.
X’inhuma l-isfidi li qed issib il-Bulgarija?
Bħal kull pajjiż li jissieħeb fl-ewro, il-Bulgarija trid tiżgura tranżizzjoni bla skossi. U bħalissa n-negozji u l-banek għaddejjin bi proċessi biex jaġġornaw is-sistemi, il-kuntratti u l-għodod kontabilistiċi tagħhom.
Xi ċittadini qed jinkwetaw ukoll li jaf ikun hemm xi żidiet fil-prezzijiet, minkejja li r-rabta fit-tul tal-lev mal-ewro tillimita dan ir-riskju. Komunikazzjoni ċara u turija ta’ prezzijiet doppji jgħinu biex tinbena l-fiduċja u tiżdied it-trasparenza tul din il-bidla.
Mill-1 ta’ Jannar 2026 ’il quddiem, l-ewro hija l-unika munita uffiċjali użata fil-Bulgarija. Din it-tranżizzjoni ssaħħaħ il-post tal-Bulgarija fil-qafas ekonomiku tal-UE u tappoġġa suq Ewropew aktar integrat.
Taf kif tidher il-munita tal-ewro Bulgara? Skopri x’juru l-uċuħ tal-muniti tal-ewro Bulgari.
Dettalji
- Data tal-pubblikazzjoni
- 1 Jannar 2026
- Awtur
- Id-Direttorat Ġenerali għall-Komunikazzjoni
Links relatati
Mill-1 ta’ Jannar sat-30 ta’ Ġunju 2026, Ċipru se jkollu l-Presidenza tal-Kunsill tal-Unjoni Ewropea, rwol ewlieni li jinbidel kull 6 xhur bejn il-pajjiżi tal-UE.
F’Settembru li għadda, il-Kummissjoni Ewropea sejħet lit-tfal u lill-adolexxenti biex jimlew stħarriġ online dwar il-bullying ċibernetiku. Aktar minn 6,300 tifel u tifla ta’ bejn it-12 u s-17-il sena mill-UE kollha qasmu l-fehmiet tagħhom.
Idħol biċ-ċans li żżur il-Parlament Ewropew flimkien mal-klassi tiegħek. Il-premju jinkludi wkoll programm imfassal apposta u akkomodazzjoni għal lejl wieħed.
Mit-18 sal-24 ta’ Novembru, niċċelebraw il-Ġimgħa Dinjija ta’ sensibilizzazzjoni dwar ir-reżistenza għall-antimikrobiċi – inizjattiva globali biex tiġi indirizzata t-theddida li dejjem qed tikber tar-reżistenza għall-antibijotiċi u għal mediċini antimikrobiċi oħra. Din il-kwistjoni tista’ taffettwa lil kulħadd u kullimkien, b’konsegwenzi serji għas-saħħa u s-soċjetà.
Is-soċjetà teħtieġ ċittadini attivi li jkunu kapaċi jsawru d-dinja li jixtiequ jgħixu fiha. Madankollu, jista’ jkun diffiċli li tħajjar it-tfal u ż-żgħażagħ biex jinteraġixxu mal-politika u l-valuri Ewropej. L-azzjonijiet Jean Monnet tal-Erasmus+ huma maħsuba b’mod speċifiku biex l-għalliema u l-iskejjel irawmu l-ġenerazzjoni li jmiss ta’ ċittadini attivi, infurmati u midħla tal-UE.
Is-6 ta’ Novembru huwa l-jum internazzjonali kontra l-vjolenza u l-bullying ċibernetiku fl-iskola – Okkażjoni perfetta biex naqsmu l-fehmiet tat-tfal dwar kif jiġi evitat il-bullying ċibernetiku!