PROTEZZJONI TAD-DATA PERSONALI TIEGĦEK

Din l-istqarrija ta’ privatezza tipprovdi informazzjoni dwar l-ipproċessar u l-protezzjoni tad-data personali tiegħek.

Operazzjoni tal-ipproċessar: Ir-Rokna tat-Tagħlim

Il-Kontrollur tad-Data: Direttorat Ġenerali għall-Komunikazzjoni, Direttorat B, Unità B.2

Referenza tar-rekord: DPR-EC-03612

Introduzzjoni 

Il-Kummissjoni Ewropea (minn hawn ’il quddiem “il-Kummissjoni”) intrabtet li tipproteġi d-data personali tiegħek u li tirrispetta l-privatezza tiegħek. Il-Kummissjoni tiġbor u tipproċessa aktar id-data personali skont ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar tad-data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data (li jħassar ir-Regolament (KE) Nru 45/2001). 

Din l-istqarrija ta' privatezza tispjega għaliex nipproċessaw id-data personali tiegħek, il-mod kif niġbru u nittrattaw id-data personali kollha li tiġi pprovduta kif ukoll kif niżguraw il-protezzjoni tagħha, kif dik l-informazzjoni tintuża, u liema drittijiet għandek b’rabta mad-data personali tiegħek. Tispeċifika wkoll id-dettalji ta’ kuntatt tal-Kontrollur tad-Data responsabbli li miegħu tista’ teżerċita drittijietek, tal-Uffiċjal tal-Protezzjoni tad-Data u tal-Kontrollur Ewropew għall-Protezzjoni tad-Data. 

Din l-istqarrija ta’ privatezza tikkonċerna l-ipproċessar ta’ data personali mill-Kummissjoni Ewropea fil-kuntest tal-ġestjoni tas-sit web tar-Rokna tat-Tagħlim. Id-data tiġi pproċessata mid-Direttorat Ġenerali għall-Komunikazzjoni, l-Unità B.2, flimkien mal-unitajiet responsabbli għal attivitajiet speċifiċi ta’ pproċessar relatati mar-Rokna tat-Tagħlim fid-dipartimenti jew is-servizzi kompetenti tal-Kummissjoni.

Għaliex nipproċessaw id-data personali tiegħek? U kif? 

Ir-Rokna tat-Tagħlim hija sit web li jipprovdi riżorsi u servizzi edukattivi dwar l-UE, disponibbli bil-lingwi uffiċjali kollha tal-UE. Ir-Rokna tat-Tagħlim hija mmirata l-aktar lejn studenti tal-iskola primarja u sekondarja u l-għalliema tagħhom u hija repożitorju ta’ logħob, kwiżżijiet, tagħlim u materjali tat-tagħlim li jiffokaw fuq l-UE u l-benefiċċji tagħha għaċ-ċittadini Ewropej. Is-sit web huwa ġestit mill-Unità taż-Żgħażagħ tad-Direttorat Ġenerali għall-Komunikazzjoni tal-Kummissjoni Ewropea. 

Id-data tinġabar sabiex jiġu ffaċilitati l-operat u l-ġestjoni tar-riżorsi u s-servizzi tar-Rokna tat-Tagħlim, li jistgħu jinkludu: 

• logħob, kompetizzjonijiet, u interazzjoni mal-parteċipanti fil-kompetizzjonijiet, link għas-sit web tal-“Uffiċċju tal-Pubblikazzjonijiet tal-Unjoni Ewropea” (il-Portal OP), li minnu l-utenti jistgħu jordnaw il-pubblikazzjonijiet (DPR-KE-00449);
• formola ta’ feedback li tippermetti lill-viżitaturi jipprovdu feedback fuq il-paġni li jkunu żaru, jirrapportaw bugs/kwistjonijiet tekniċi, u jikkondividu kummenti spontanji dwar il-kontenut. Il-viżitaturi li jużaw din il-formola mistiedna jipprovdu indirizz tal-email ħalli, jekk ikun meħtieġ, ikunu jistgħu jiġu kkontattjati għal kjarifiki jew sabiex jirċievu risposti għad-domandi tagħhom (DPR-KE-01064). 

Liema bażi(jiet) ġuridika/ġuridiċi nużaw għall-ipproċessar tad-data personali tiegħek? 

Nipproċessaw id-data personali tiegħek, għax: 

1. inti tajt il-kunsens tiegħek biex tabbona għall-Aħbarijiet tar-Rokna tat-Tagħlim (l-Artikolu 5(1)(d) tar-Regolament (UE) 2018/1725);

2. l-ipproċessar huwa meħtieġ għat-twettiq ta’ kompitu mwettaq fl-interess pubbliku jew fl-eżerċizzju ta’ awtorità uffiċjali vestita fl-istituzzjoni jew korp tal-Unjoni (l-Artikolu 5(1)(a) tar-Regolament 2018/1725) abbażi tad-dritt tal-Unjoni t’hawn taħt:

• L-Artikolu 11(1) u (2) tat-Trattat dwar l-Unjoni Ewropea (TUE);
• L-Artikolu 15(1) tat-Trattat dwar il-Funzjonament tal-Unjoni Ewropea (TFUE);
• L-Artikolu 58(2)(d) tar-Regolament (UE, Euratom) 2018/1046 (ir-Regolament Finanzjarju);
• Id-Deċiżjoni tal-Kummissjoni C(2024) 8793 dwar il-finanzjament tal-attivitajiet operatorji u l-adozzjoni tal-programm ta’ ħidma għall-2025 tad-Direttorat Ġenerali għall-Komunikazzjoni u mill-Anness tagħha, Taqsima 4.3.5: dwar “Materjali ta’ komunikazzjoni u Rapport Ġenerali”: Il-materjali kollha ta’ komunikazzjoni online u offline, inkluż is-sit web tar-Rokna tat-Tagħlim u l-paġna “L-UE ssir faċli”, huma adattati għal firxa wiesgħa ta’ udjenzi u gruppi ta’ età, fl-Istati Membri u lil hinn minnhom. “

Liema data personali niġbru u nipproċessaw b’mod ulterjuri? 

Jekk jogħġbok innota li ma hemmx bżonn li tirreġistra u tipprovdi data personali fuq is-sit web tar-Rokna tat-Tagħlim biex tuża l-biċċa l-kbira tar-riżorsi u s-servizzi tagħha. 

Il-kategoriji tad-data pproċessati mill-applikazzjoni tal-EU Login huma deskritti fir-rekord rispettiv tad-DIGIT (ara ref. tal-Ġestjoni tal-Identitajiet u l-Aċċessi DPR-KE-03817). 

 F’każ ta’ kompetizzjonijiet, id-data u l-kunsens tiegħek jinġabru mis-servizz tal-Kummissjoni jew mill-istituzzjoni tal-UE li tqiegħed il-kompetizzjoni fuq is-sit web tar-Rokna tat-Tagħlim.

Data disponibbli għall-pubbliku tal-partijiet ikkonċernati u l-multiplikaturi rilevanti — bħall-isem tal-organizzazzjoni, l-indirizz tal-email, l-isem tal-persuna ta’ kuntatt — tinġabar għat-twettiq ta’ attivitajiet ta’ sensibilizzazzjoni.

 Il-Kontrollur tad-Data jista’ jaqsam l-informazzjoni anonima ma’ Direttorati tal-Kummissjoni oħrajn u/jew ma’ istituzzjonijiet oħrajn tal-UE jew partijiet terzi għal finijiet ta’ arkivjar, riċerka xjentifika jew statistika. 

Għal kemm żmien inżommuha d-data personali tiegħek? 

5.1. Data personali pprovduta meta jintuża wieħed mis-servizzi  jew mir-riżorsi tar-Rokna tat-Tagħlim. 

Id-data personali tinżamm sakemm ikunu meħtieġa azzjonijiet ta’ segwitu relatati ma’ wieħed mis-servizzi tar-Rokna tat-Tagħlim fir-rigward tal-għan(ijiet) tal-ipproċessar tad-data personali u mhux aktar minn sentejn (2) mid-data ta’ sottomissjoni tad-data. 

5.2 Rapporti, dokumenti stampati u elettroniċi, inklużi r-rekords tal-ARES miżmuma mid-DĠ COMM 

Ir-rekords kollha stampati u elettroniċi li jikkonċernaw il-korrispondenza ta’ kuljum u r-rapporti li jkun fihom data aggregata, inklużi r-rekords tal-ARES, jinżammu għal perjodu ta’ għaxar (10) snin skont il-Lista Komuni ta' Ritenzjoni fil-Livell tal-Kummissjoni (SEC (2019) 900/2). Dawn se jiġu arkivjati skont il-qafas legali tal-Kummissjoni u se jinħażnu fl-ARES (Sistema Avvanzata ta’ Rekords) taħt ir-responsabbiltà tas-Segretarjat Ġenerali (Għal aktar informazzjoni, ara l-Ġestjoni u l-preservazzjoni (fuq perjodu qasir u medju) tad-dokumenti tal-Kummissjoni ref. DPR-EC-00536). 

Kif inħarsu u nissalvagwardjaw id-data personali tiegħek? 

Id-data personali kollha f’format elettroniku (emails, dokumenti, bażijiet tad-data, batches applowdjati ta’ data, eċċ.) jinħażnu fis-servers tal-Kummissjoni Ewropea. L-operazzjonijiet ta’ proċessar jitwettqu kollha skont id-Deċiżjoni tal-Kummissjoni (UE, Euratom) 2017/46 tal-10 ta' Jannar 2017 dwar is-sigurtà tas-sistemi ta' komunikazzjoni u informazzjoni fil-Kummissjoni Ewropea. 

Il-kuntratturi tal-Kummissjoni huma marbutin bi klawsola kuntrattwali speċifika għal kwalunkwe operazzjoni ta’ pproċessar tad-data f’isem il-Kummissjoni u permezz ta’ obbligi ta' kunfidenzjalità. 

Sabiex tipproteġi d-data personali tiegħek, il-Kummissjoni daħħlet għadd ta’ miżuri tekniċi u organizzazzjonali. Il-miżuri tekniċi jinkludu azzjonijiet xierqa biex jindirizzaw is-sigurtà online, ir-riskju tat-telf ta’ data, il-modifika ta' data jew l-aċċess mhux awtorizzat, filwaqt li jitqies ir-riskju ppreżentat mill-ipproċessar u n-natura tad-data personali li qed tiġi pproċessata. Il-miżuri organizzazzjonali jinkludu r-restrizzjoni tal-aċċess għal data personali għal persuni awtorizzati biss bi ħtieġa leġittima ta’ tagħrif għall-finijiet ta’ din l-operazzjoni tal-ipproċessar. 

Min għandu aċċess għad-data personali tiegħek u lil min tiġi żvelata? 

L-aċċess għad-data personali tiegħek huwa pprovdut lill-istaff awtorizzat tal-istituzzjonijiet tal-UE u l-kuntratturi tiegħu responsabbli mit-twettiq tal-operazzjoni tal-ipproċessar skont il-prinċipju tal-“ħtieġa ta’ tagħrif”. Dan l-istaff u l-kuntratturi jirrispettaw ftehimiet statutorji, u fejn meħtieġ, ftehimiet addizzjonali ta’ kunfidenzjalità. 

L-istaff awtorizzat tal-Kummissjoni għandu aċċess għad-data personali pprovduta minn utent li juża wieħed mis-servizzi u mir-riżorsi tar-Rokna tat-Tagħlim, sabiex iwettaq azzjonijiet ta’ segwitu relatati. 

Fejn rilevanti, il-kuntratturi esterni jistgħu jirċievu d-data personali tal-utenti tar-riżorsi jew tas-servizzi tar-Rokna tat-Tagħlim fuq bażi ta’ ħtieġa ta’ tagħrif, pereżempju meta l-Kummissjoni tikkuntrattahom biex isegwu l-feedback. 

X’inhuma drittijietek u kif tista’ teżerċitahom? 

Għandek drittijiet speċifiċi bħala “suġġett tad-data” skont il-Kapitolu III (l-Artikoli 14-25) tar-Regolament (UE) 2018/1725. Fir-rigward ta’ din l-operazzjoni tal-ipproċessar, tista’ teżerċita d-drittijiet li ġejjin: 

• id-dritt ta’ aċċess għad-data personali tiegħek (l-Artikolu 17 tar-Regolament (UE) 2018/1725);
• id-dritt ta’ rettifika fil-każ li d-data personali tiegħek mhix preċiża jew mhix kompluta (l-Artikolu 18 tar-Regolament (UE) 2018/1725);
• id-dritt tat-tħassir tad-data personali tiegħek (l-Artikolu 19 tar-Regolament (UE) 2018/1725);
• fejn japplika, id-dritt tar-restrizzjoni tal-ipproċessar tad-data personali tiegħek (l-Artikolu 20 tar-Regolament (UE) 2018/1725);
• id-dritt tal-portabilità tad-data (l-Artikolu 22 tar-Regolament (UE) 2018/1725); 

Jekk inti tkun tajt il-kunsens tiegħek lill-Kummissjoni Ewropea għal din l-operazzjoni ta’ pproċessar, inti tista’ tirtirah fi kwalunkwe ħin billi tinnotifika lill-Kontrollur tad-Data. L-irtirar mhux se jaffettwa l-legalità tal-ipproċessar imwettaq qabel ma tkun irtirajt il-kunsens tiegħek. 

Int tista’ teżerċita d-drittijiet tiegħek billi tikkuntattja lill-Kontrollur tad-Data, jew f’każ ta’ kunflitt lill-Uffiċjal tal-Protezzjoni tad-Data. Jekk ikun meħtieġ, tista’ tindirizza wkoll lill-Kontrollur Ewropew għall-Protezzjoni tad-Data. L-informazzjoni ta’ kuntatt tagħhom tingħata fit-Taqsima 9. 

Meta tixtieq teżerċita d-drittijiet tiegħek fil-kuntest ta’ operazzjoni ta’ pproċessar speċifika waħda jew aktar, jekk jogħġbok ipprovdi d-deskrizzjoni tagħhom (jiġifieri r-Referenza(i) tar-rekord tagħhom kif speċifikat fit-Taqsima 10) fit-talba tiegħek. 

Informazzjoni ta’ kuntatt: 

Il-Kontrollur tad-Data 

Jekk tixtieq teżerċita d-drittijiet tiegħek skont ir-Regolament (UE) 2018/1725, jew jekk għandek xi kummenti, mistoqsijiet jew tħassib, jew jekk tixtieq tressaq ilment rigward il-ġbir u l-użu tad-data personali tiegħek, jekk jogħġbok ħossok liberu li tikkuntattja lill-Kontrollur tad-Data, id-Direttorat Ġenerali għall-Komunikazzjoni, l-Unità B.2 (COMM-B2ec [dot] europa [dot] eu (COMM-B2[at]ec[dot]europa[dot]eu)). 

L-Uffiċjal tal-Protezzjoni tad-Data (DPO) tal-Kummissjoni 

Tista’ tikkuntattja lill-Uffiċjal tal-Protezzjoni tad-Data (DATA-PROTECTION-OFFICERec [dot] europa [dot] eu (DATA-PROTECTION-OFFICER[at]ec[dot]europa[dot]eu)) dwar kwistjonijiet relatati mal-ipproċessar tad-data personali tiegħek skont ir-Regolament (UE) 2018/1725. 

Il-Kontrollur Ewropew għall-Protezzjoni tad-Data (EDPS, European Data Protection Supervisor) 

Inti għandek id-dritt għal rikors (jiġifieri tista’ tressaq ilment) mal-Kontrollur Ewropew għall-Protezzjoni tad-Data (edpsedps [dot] europa [dot] eu (edps[at]edps[dot]europa[dot]eu)) jekk jidhirlek li nkisru d-drittijiet tiegħek skont ir-Regolament (UE) 2018/1725 b’riżultat tal-ipproċessar tad-data personali mill-Kontrollur tad-Data. 

Fejn tista’ ssib informazzjoni iktar dettaljata? 

L-Uffiċjal tal-Protezzjoni tad-Data (UPD) tal-Kummissjoni jippubblika r-reġistru tal-operazzjonijiet kollha ta’ proċessar tad-Data personali mill-Kummissjoni, li jkunu ġew iddokumentati u nnotifikati lilu. Tista’ taċċessa r-reġistru minn dan il-link li ġej: http://ec.europa.eu/dpo-irreġistra 

Din l-operazzjoni ta’ pproċessar speċifika ġiet inkluża fir-reġistru pubbliku tad-DPO bir-referenza tar-Rekord li ġejja: DPR-EC-03612.