Għal dawk li jħobbu l-lingwi, din hija xi ħaġa għall-kalendarju tagħkom! Ir-rebbieħa tal-kompetizzjoni Juvenes Translatores se jitħabbru waqt xandira diretta l-Ħamis it-12 ta’ Frar, fil-11:30, ħin ta’ Brussell.
Juvenes Translatores hija kompetizzjoni annwali li ssir fl-UE kollha għall-istudenti ta’ 17-il sena fl-iskejjel sekondarji — u ilha tispira lil-lingwisti żgħażagħ mill-2007. It-tema ta’ din is-sena kienet "Mil-lingwi għall-pajsaġġi: vjaġġi Ewropej għal fehim reċiproku”.
Din id-darba pparteċipaw 3,004 studenti minn 716-il skola sekondarja. Mill-552 kombinament lingwistiku disponibbli, huma użaw 155 — inkluż Bulgaru-Grieg, Daniż-Ċek, Irlandiż-Spanjol u Kroat-Żvediż. L-għażliet tagħhom juru t-tapizzerija kumplessa tal-lingwi fl-Ewropa.
It-traduzzjonijiet tagħhom bl-24 lingwa uffiċjali tal-UE ġew ivvalutati mit-tradutturi tal-Kummissjoni Ewropea. Ir-rebbieħa — wieħed minn kull Stat Membru — se jiċċelebraw il-kisba multilingwi tagħhom f’ċerimonja tal-premjazzjoni fi Brussell lejn l-aħħar ta’ Marzu. Se jiltaqgħu wkoll ma’ oħrajn li għandhom il-lingwi għal qalbhom, se jaraw it-tradutturi tal-Kummissjoni Ewropea fil-post tax-xogħol u se jesploraw il-belt.
Il-parteċipanti kollha ħaqqhom ċapċipa kbira għall-isforzi tagħhom. Il-ġenerazzjoni li jmiss ta’ tradutturi se tkun ixxurtjata jekk se jkollha żgħażagħ daqshekk intelliġenti li jissieħbu fil-professjoni, u nħeġġuhom ikomplu jitgħallmu l-lingwi.
Tixtieq tagħmel sfida miegħek innifsek? It-testi tal-kompetizzjoni huma disponibbli online — għaliex ma tipprovax u tara kif tmur? U jekk taf xi studenti li jħobbu l-lingwi li jagħlqu 17-il sena s-sena d-dieħla, għidilhom jaħtfu l-opportunità tal-avventura ta’ Juvenes Translatores!
Dettalji
- Data tal-pubblikazzjoni
- 4 Frar 2026 (L-aħħar aġġornament: 4 Frar 2026)
- Awtur
- Id-Direttorat Ġenerali għall-Komunikazzjoni
- Type of content
- News
Links relatati
Għeżież żgħażagħ Ewropej! Qatt smajtu bil-Premju Karlu Manju għaż-Żgħażagħ? Dan il-premju, li jagħtih il-Parlament Ewropew, joffri rikonoxximent liż-żgħażagħ ta’ bejn is-16 u t-30 sena b’ideat innovattivi għal Ewropa aħjar. Biex tidħol fil-kompetizzjoni, kulma trid tagħmel hu li tidħol fil-website uffiċjali ddedikata għall-Premju Karlu Manju.
Fl-1 ta’ Jannar 2026, il-Bulgarija adottat l-ewro u saret il-21 membru taż-żona tal-ewro.
Mill-1 ta’ Jannar sat-30 ta’ Ġunju 2026, Ċipru se jkollu l-Presidenza tal-Kunsill tal-Unjoni Ewropea, rwol ewlieni li jinbidel kull 6 xhur bejn il-pajjiżi tal-UE.
F’Settembru li għadda, il-Kummissjoni Ewropea sejħet lit-tfal u lill-adolexxenti biex jimlew stħarriġ online dwar il-bullying ċibernetiku. Aktar minn 6,300 tifel u tifla ta’ bejn it-12 u s-17-il sena mill-UE kollha qasmu l-fehmiet tagħhom.
Idħol biċ-ċans li żżur il-Parlament Ewropew flimkien mal-klassi tiegħek. Il-premju jinkludi wkoll programm imfassal apposta u akkomodazzjoni għal lejl wieħed.
Mit-18 sal-24 ta’ Novembru, niċċelebraw il-Ġimgħa Dinjija ta’ sensibilizzazzjoni dwar ir-reżistenza għall-antimikrobiċi – inizjattiva globali biex tiġi indirizzata t-theddida li dejjem qed tikber tar-reżistenza għall-antibijotiċi u għal mediċini antimikrobiċi oħra. Din il-kwistjoni tista’ taffettwa lil kulħadd u kullimkien, b’konsegwenzi serji għas-saħħa u s-soċjetà.