- Aoisghrúpa
- 12 - 15 bliana
- 15 bliana nó níos sine
- 9 - 12 bhliain
- Réimse
- Cineál an ábhair
![Digital explorers](https://learning-corner.learning.europa.eu/sites/default/files/styles/oe_theme_medium_no_crop/public/2022-12/digital%20explorers_0.jpg?itok=58_hQ0-4)
Cuir aithne ar Helena, Klaus, Kasis, Enzo agus Marion, ‘NA TAISCÉALAITHE DIGITEACHA’ atá againn, agus iad ar thuras allamuigh ar fud na hEorpa le fáil amach faoin gcaoi a bhfuil ag éirí leis an digitiú.
Cuireann an digitiú an iliomad deiseanna ar fáil dúinn: ná caill do dheis chun foghlaim faoi roinnt de na hábhair is spreagúla dá bhfuil ann, an intleacht shaorga, sonraí agus sár-ríomhairí ina measc, agus faoi eolas faoin gcaoi a múnlaíonn siad uile todhchaí dhigiteach na hEorpa – DO thodhchaí.
Tá na físeáin go léir le fáil thíos!
Bígí linn agus muid ag iniúchadh DestinE, tionscnamh dána de chuid an Choimisiúin Eorpaigh chun todhchaí ár bplainéid a mhapáil le leathchúpla digiteach den Domhan. Samhlaigh múnla sár-chliste a thaispeánann dúinn conas a idirghníomhaíonn gníomhaíochtaí an duine agus an dúlra le chéile, ag cuidiú linn cinntí níos fearr a dhéanamh dár dtimpeallacht. A bhuí le maoiniú ón gClár don Eoraip Dhigiteach, agus leis an teicneolaíocht is déanaí amhail sár-ríomhairí, IS, agus an t-idirlíon tapa, tugtar an deis le DestinE do cheannairí áitiúla cásanna “cuir i gcás” a thástáil. Tá sé mar a bheifeá ag breathnú ar an todhchaí lena fheiceáil conas a d'fhéadfadh ár roghanna oibriú amach, ag cuidiú linn ár bplainéad a chosaint ar bhealach níos éifeachtaí.
Cuireann domhain fhíorúla deiseanna gan teorainn ar fáil dúinn. Is féidir le domhain fhíorúla athrú ó bhonn a dhéanamh ar an gcaoi a n-oibrímid, a bhfoghlaimímid, a ndéanaimid cumarsáid agus go leor eile! Téigh ar turas lenár dTaiscéalaithe Digiteacha chun tuilleadh eolais a fháil faoin tionscnamh ar #VirtualWorldsEU.
Cuireann an Líonra Mol Eorpach maidir leis an Nuálaíocht Dhigiteach an claochlú digiteach chun cinn agus san am céanna, cuireann sé treoir, saineolas agus tacaíocht ar fáil do ghnólachtaí ar fud na hEorpa. Nascann na moil sin eagraíochtaí agus institiúidí le chéile chun táirgí níos fearr a fhorbairt, próisis a bheachtú, agus seirbhísí a fheabhsú trí fheabhsuithe teicneolaíochta. Ar mhaith leat tuilleadh eolais a fháil? Lean ár taiscéalaithe digiteacha ar a n-eachtraí iontacha TEIC-neolaíochta in éineacht le EDDY An Saorlaoch, agus féach leat an chaoi a bhfuil an tAontas Eorpach ag glacadh leis an réabhlóid dhigiteach!
Sliseanna nó leathsheoltóirí, sin iad bloic thógála earraí leictreonacha nua-aimseartha. Carranna, fóin, consóil chluichí agus go leor earraí tí eile, braitheann siad go léir ar na sliseanna beaga bídeacha sin. Féach ar an eipeasóid seo agus foghlaim faoin bhfáth a bhfuil sliseanna gann le blianta beaga anuas. Míneoidh ár dTAISCÉALAITHE DIGITEACHA duit an méid atá ar siúl ag an Aontas Eorpach chun a chinntiú nach rithfear amach as soláthairtí arís.
Foghlaimíonn páistí an lae inniu conas ‘svaidhpeáil’ sular féidir leo léamh nó scríobh. Gan amhras, is féidir leo ceacht nó dhó a mhúineadh do dhaoine fásta rud faoi conas iad féin a iompar ar líne! Mar sin féin, tá dúshlán ag baint leis an idirlíon a choinneáil sábháilte agus spraíúil le go mbeidh úsáideoirí óga ina ann é a thaiscéaladh. San eipeasóid seo, féachtar ar an gcaoi a bhfuil sé mar aidhm ag an Aontas é a dhéanamh níos éasca do leanaí a bheith sábháilte ar líne.
Conas is fearr is féidir leis an Eoraip teicneolaíochtaí digiteacha nua a ghlacadh go cothrom agus go freagrach? Tá tacar coiteann de chearta digiteacha agus de phrionsabail dhigiteacha molta ag an gCoimisiún Eorpach chun go mbeidh an Eoraip in ann tacú le claochlú digiteach atá inbhuanaithe agus duinelárnach, é á mhúnlú ag luachanna Eorpacha. San eipeasóid seo de NA TAISCÉALAITHE DIGITEACHA, féachtar ar shé phríomhthéama de na prionsabail dhigiteacha agus mínítear an tábhacht a bhaineann leo.
Cén chaoi a bhfuil sé beartaithe ag an Aontas ár dtodhchaí dhigiteach a mhúnlú? Tá roinnt spriocanna curtha i bhfeidhm chun treoir a thabhairt dúinn! Scileanna, an bonneagar, seirbhísí poiblí agus gnólachtaí, tá ról tábhachtach le himirt acu sin go léir. San eipeasóid seo de NA TAISCÉALAITHE DIGITEACHA, imríonn na himreoirí cluiche boird lena gcuirtear iad i gceannas ar an aistriú digiteach. Ach an oiread le tíortha an Aontais, ní mór dóibh oibriú le chéile chun an Eoraip a choinneáil ar an mbóthar ceart. Ar mhaith leat triail a bhaint as?
Táimid inár gcónaí i ndomhan ina gcomhroinntear eolas de shíor. Déan do mhachnamh faoi líon na n-uaireanta a gcomhroinneann tú sonraí pearsanta ar líne, le cairde, le seirbhísí poiblí, le miondíoltóirí agus le daoine eile. Cén chaoi ar féidir leat a bheith cinnte go ndéantar an t-eolas sin go léir a stóráil go sábháilte agus go slán? Féach ar an eipeasóid seo de NA TAISCÉALAITHE DIGITEACHA le fáil amach faoin gcaoi ar féidir do phríobháideachas a chosaint le go mbeidh tú in ann fanacht sábháilte ar líne le teicneolaíocht ar a dtugtar ‘blocshlabhra’.
Nuair a deirtear go bhfuil tír i measc na gceannairí domhanda i réimse an digitithe, cad is brí leis sin? Cén chaoi ar féidir linn an digitiú a thomhas? An nascthacht, caipiteal daonna nó seirbhísí poiblí digiteacha, cad iad féin? Féach ar an eipeasóid seo le bheith i do shaineolaí ar na coincheapa sin chun go mbeidh tú i do ‘THAISCÉALAÍ DIGITEACH’ i do thír féin.
An raibh fadhb nasctha agat riamh? Ar bhain tú úsáid as teophointe Wi-Fi saor in aisce riamh? Ar chuala tú faoi 5G riamh? San eipeasóid seo, míneofar an fáth a bhfuil sé tábhachtach go bhfuilimid go léir nasctha le chéile agus conas é a dhéanamh níos éasca.
Cad is cibearfheasacht ann? Cad iad na rioscaí atá romhainn ar líne? Cé chomh feasach is atá muid ar bhagairtí ar líne agus conas iad a bhainistiú? Tabharfaidh ár dTAISCÉALAITHE DIGITEACHA gach eolas agus leideanna duit toisc go bhfuil orainn go léir barr feabhais a chur ar ár gcuid cibirscileanna le fanacht sábháilte. Gheobhaidh tú amach faoin ról ar leith atá ag cineáltas, ciall, scileanna sóisialta, eochair draíochta, fearas droim ar ais agus neart ar líne. Agus as seo amach, ní dhéanfaidh tú dearmad riamh ‘Déan do mhachnamh roimh chliceáil!’
An raibh a fhios agat gur féidir leat scrolláil ar an idirlíon, rudaí a chomhroinnt, teachtaireachtaí a sheoladh agus glaonna a dhéanamh áit ar bith san Aontas - gan táille bhreise a íoc?! Ní gá duit a bheith buartha faoi bhillí teileafóin arda a thuilleadh. Ó 2017 i leith, is féidir leat taisteal tríd an Aontas agus fanacht i dteagmháil le do theaghlach agus do chairde. Féach leat an chaoi a bhfuil ár dtaiscéalaithe digiteacha ag baint lántairbhe as na buntáistí a bhaineann le ‘Fánaíocht ar tháillí baile’ le linn a gcuid eachtraí ar fud an Aontais!
An raibh a fhios go bhfuil sonraí i ngach áit? Ach sa bhreis air sin: tá athrú ag teacht ar an gcaoi a n-oibríonn rudaí i ngeall ar shonraí. Féach ar an eipeasóid seo de NA TAISCÉALAITHE DIGITEACHA le fáil amach faoin gcaoi a dtéann sonraí ar fud an Aontais Eorpaigh agus faoin gcaoi ar féidir leo feabhas a chur ar ár saol.
An raibh a fhios agat, cé nach féidir iad a fheiceáil, beidh méadú go dtí 175 zeitibheart ar líon na sonraí a bhaileofar ar domhan in 2025? Leis an líon sin sonraí, bheifí in ann turas a dhéanamh chuig an ngealach agus ar ais arís 5 huaire. Féach ar an eipeasóid seo de NA TAISCÉALAITHE DIGITEACHA chun tuiscint a fháil ar shár-ríomhairí agus chun tús a chur le bheith ag smaoineamh ar mhórscála, ar OLL-mhórscála.
An bhfaca tú róbat riamh? An raibh a fhios agat go n-úsáideann d’fhón cliste intleacht shaorga freisin? Féach ar an eipeasóid seo de NA TAISCÉALAITHE DIGITEACHA agus foghlaim faoi gcaoi lena chinntiú gur féidir leat muinín a bheith agat as an intleacht shaorga, rud a théann chun tairbhe dúinn agus a urramaíonn ár luachanna.
Ní do dhaoine ar spéis leo an fhisic amháin atá an teicneolaíocht chandamach! Lig do NA TAISCÉALAITHE DIGITEACHA thú a thabhairt ar thuras iontach chun tuiscint a fháil ar a bhfuil i gceist leis agus ar an tionchar a bhíonn aige ar ár saol laethúil anseo san Eoraip. Sa bhreis air sin, má tá cloiste agat faoin turgnamh smaointeoireachta ‘Schrödinger’s cat’, cuirfidh tú an-spéis sa mhíniú físe atá againn.
Páipéarachas? Níl ann dó sin a thuilleadh! Na bealaí a gcomhroinnimid deimhnithe tábhachtacha a shimpliú, a gcuirimid athrú ar sheoladh in iúl, a gcruthaímid ár n-aois nó fiú a líonaimid isteach ár dtuairisceán cánach. An raibh a fhios agat gur féidir leis an Aitheantas Digiteach Eorpach na rudaí a shimpliú go sábháilte? Tugann NA TAISCÉALAITHE DIGITEACHA míniú céim ar chéim duit ar na buntáistí go léir a bhaineann leis, iad go léir le fáil gan ach cúpla clic a dhéanamh.
‘Céim bheag amháin don duine, céim ollmhór chun tosaigh don chine daonna’ – caoga bliain ar aghaidh tar éis an chloch mhíle ollmhór sin sa spástaiscéalaíocht, tá i bhfad níos mó ar eolais againn faoin méid atá thart timpeall orainn a bhuí le teicneolaíocht nuálach. Tugann NA TAISCÉALAITHE DIGITEACHA léargas níos géire dúinn ar bhonneagar spáis na hEorpa (an gcuireann Copernicus dada i gcuimhne duit?) agus ar na buntáistí a bhaineann leis don chine daonna agus don intinn fhiosrach.
Ar an ábhar céanna
![Digital markets act](https://learning-corner.learning.europa.eu/sites/default/files/styles/oe_theme_ratio_3_2_medium/public/2023-02/DMA_scale_twitter.jpg?itok=JwpNZTKV)
- Highlighted
Cé hiad na ‘Geatóirí’ Digiteacha agus cén fáth ar gá don Choimisiún iad a rialáil?
![ai_explainer_3_levels.jpg](https://learning-corner.learning.europa.eu/sites/default/files/styles/oe_theme_ratio_3_2_medium/public/2021-12/ai_explainer_3_levels.jpg?itok=mcLL5l2c)
Cad is Intleacht Shaorga (IS) ann? Cad is brí léi? Cad iad feidhmchláir IS? Cad is féidir léi a dhéanamh agus conas a oibríonn sí? San fhíseán gearr s...
![who_do_you_think_you_are_-_identity.jpg](https://learning-corner.learning.europa.eu/sites/default/files/styles/oe_theme_ratio_3_2_medium/public/2021-12/who_do_you_think_you_are_-_identity.jpg?itok=mNHSgzSk)
Cén sainmhíniú atá agat ar do chéannacht? Cad iad na saintréithe a bheadh ag gabháil leis an gcéannacht sin? Bíonn athruithe agus forás ag teacht go l...
![animation_19.png](https://learning-corner.learning.europa.eu/sites/default/files/styles/oe_theme_ratio_3_2_medium/public/2021-12/animation_19_0.png?itok=PJaTyyuH)
Ár leithscéal, ach níl an t-ábhar sin ar fáil i nGaeilge.Free resources in 29 languages to help teachers introduce coding and computational thinking t...
![](https://learning-corner.learning.europa.eu/sites/default/files/styles/oe_theme_ratio_3_2_medium/public/2024-05/20240503_Teachers_toolkit_on_disinfo_updated_V4_EC_Page_01.jpg?h=31ae35b7&itok=DuvzIgCw)
I ndomhan ina bhfuil an mhífhaisnéis thart timpeall orainn, tá sé ríthábhachtach scileanna measúnaithe criticiúla a chothú. Cuireann an tsraith uirlisí ar chumas oideachasóirí intinní fiosracha a ullmhú don ré dhigiteach.
![pictograms about education and statistics](https://learning-corner.learning.europa.eu/sites/default/files/styles/oe_theme_ratio_3_2_medium/public/2022-06/eurostat%20edu%20corner.png?itok=MlL9hz5w)
An mbaineann tú úsáid as staitisticí agus tú i mbun teagaisc? Nó an mac léinn thú atá ag iarraidh níos mó a thuiscint faoi staitisticí? Ansin is é cúinne an Oideachais ar shuíomh gréasáin Eurostat an áit cheart duitse!
![geo-blocking2.png](https://learning-corner.learning.europa.eu/sites/default/files/styles/oe_theme_ratio_3_2_medium/public/2021-12/geo-blocking2.png?itok=HGu3P-mX)
Ní mór do mhiondíoltóirí an rochtain chéanna a thabhairt do lucht ceannaithe earraí agus seirbhísí, is cuma cén áit san Aontas a bhfuil siad. ‘Geobhlo...
![ipschool](https://learning-corner.learning.europa.eu/sites/default/files/styles/oe_theme_ratio_3_2_medium/public/2022-06/ipschool_landing01.jpg?itok=YAly5Q8F)
- Highlighted
Cuireann IdeasPowered@School réimse ábhar oideachasúil ar fáil atá réidh le húsáid maidir le maoin intleachtúil do mhúinteoirí agus do dhaltaí de gach aois agus de gach leibhéal, iad i ngach teanga den Aontas.